* * * * أنا بكون انطوائية فترات واجى فترة ابقى اجتماعيه ومكملش كده شويه وأقوم أبعد عن الكل وأسيب أى حاجه عملتها وأرجع تانى مع نفسى بس مش حاسه إن دى مشكله خالص.. أنا عندى 20 سنه والمشكله أنى بخاف من الولاد فبتعامل معاهم بحده عشان مبينش أنى خايفه بس مش دايما لان دى مش طبيعتى بس بكون متوتره ومبعرفش افكر خالص ، بس اوقات الموضوع ده بيزيد لدرجه ببقى ماشيه خايفة وممكن منزلش كورس أو حاجه مهمة ورايا جسمى كلو بيبقى يترعش أنا اى ولد يحاول يقرب منى(وهما مش كتير لانى عاديه جدا) ببعدوا عشان متعلقش بحد لانى قررت مفكرش فمواضيع الحب والجواز دى أبدا ومش واثقه من السبب ....بس أنا عاوزه أنجح فحياتى جدًا وأعمل حاجات كتير بس الموضوع اللى بيحصلى ده بيأثر فيا وبيخلينى أكتئب فاوقات.. طب إيه أسباب الموضوع ده هقلكم: .قبل كده اتعرضت لتحرش من واحد قريبى كان هو في ثانوى وأنا كنت فاعدادى تقريبا ومفهمتش بس كان بيجينى الخوف ده وكنت بهرب منه اما نزورهم ويكون موجود وكنت بخاف اتكلم مكنتش عارفه أقول إيه. .اتعرضت لمواقف تحرش بعد كده فالشارع اكتر من مره وكل مره اقول مش هسكت وهعمل رد فعل ويحصلى نفس الحاجه ايدى تتلج وركبى دى تترعش ومقدرش اتحرك اصلا. .الغريبه إنه كان فى واحد مفروض كان بيحبنى وعرفنا بعض باسلوب غريب كنت انا وقتها 16 سنه وكنت خلاص فاهمه كل حاجه وغلطت بانى اديته صور هو اخدها منى بالقوة وهددنى كتير جدا وأقدر أنا أقول إن هيا دى الفتره اللى فقدت فيها ثقتى فنفسى وتفكيرى كنت بتشتم وبيطلب انى اشتم نفسى عرفت معنى الخوف فعلا وغلط كتير فالفتره دى... فى ناس كان مفروض تقف جنبى فالوقت ده وسبونى فضلت كده كتير..بعدين باه يعاملنى حبه كويس وحبه يرجع... لحد من حوالى شهر سابنى خلاص وقال إنه مسح صورى ..سابنى عشان كان عايز أغلط معاه فالحقيقه وأنا مرضتش وكان بيقول إنه هيعمل كده عشان عاوز يتاكد انى مغلطتش مع حد غيره قبل ماييجى يتقدملى..ومره اتحرش بيا صاحب سنتر كنت باخد فيه كورس وحصلى كالعاده بس نفسيتى كانت زفت وده كان السنة اللى فاتت وقلت للى المفروض كان بيحبنى فاتهمنى انى سكت عشان كان عاجبنى اللى حصل وانى عملت اكتر من كده مع بتاع السنتر ..نا بحاول اتناسى كل ده بس مش قادره افضل اقول لنفسى انى مش هاممنى كل اللى حصل وهكمل عادى انا اختصرت الموضوع ومحكتش حاجات كتير ومتقليش روحى لدكتور نفسانى لانه صعب...مش عارفه هتقدروا حتى تفيدونى ازاى... صديقتنا العزيزة أظن أن ما تعانين منه نتيجة عدم الوعي الكافي في طريقة التعامل مع الآخرين وهذا قد يرجع للتربية الخاطئة والتخويف الشديد من الآخر خشية الوقوع في الخطأ والذي قد تحول إلى خوف مرضي، والتي تكون أعراضه كما ذكرتي خفقان زائد في القلب والتعرق وعدم القدرة على أخذ أي رد فعل. وبالرغم من أن الخوف هو شعور غير مرغوب فيه إلا أنه ضروري للبقاء على قيد الحياة، فالخوف وسيلة وقائية للحماية من المخاطر،ولكنه الخوف بالقدر المطلوب لحماية الشخص من المخاطر التي قد يتعرض لها ، ولا يكون علاج هذا الخوف هو الهروب وعدم المواجهة كما فعلت. ولكن علاج هذا الأمر يكون في المواجهة، قد يصعب عليك في البداية ، ولكن حاولى أن يكون لك رد فعل على أي شيء يحدث لك ، فإذا وجدتي نتيجة ولو بسيطة في البداية ، ستكون لك دفعة للخروج من هذا الشعور، فأنتي بغلت من العمر ما يسمح لك بمعرفة الخطأ من الصواب ولم يعد لك مببر لقبول أي شيء خاطئ، فحاولي أن تبدأي مع نفسك صفحة جديدة تطوي فيها الماضي بكل ما فيه وتستغفري الله عن أي شيء فعلتيه، ولا تضعي نفسك في مواضع الشبهات، وتقربي من الله. وتذكري قول الله تعالى "الا بِذِكْرِ اللَّهِ تَطْمَئِنُّ الْقُلُوبُ" فأجعلى لسانك رطبًا دائمًا بذكر الله يكون قلبك مطمأن وتشعرين بوجود الله معك. مواضيع متعلقة بص وطل