* * * * كانت خطيبتي وحبيبتي وأول حب صادق فحياتي بعد سن الرشد كنت بلاقي نفسي معاها كنت بحس اني عايش وليا هدف كنت بخاف عليها أكتر من نفسي عمري ما فكرت اني أعمل معاها حاجه وحشه عشان أحافظ عليها بس دخل بينا شيطان المشاكل بعد سنه ونص من الخطوبه وقتها كنت بعاني من فراق والدي رحمه الله مقدرتش اني بتألم او انا كنت عاوز احس انها زايي بتتألم عشاني معرفش ودخلت الغيره الكبيرة واصبحت المشاكل اكتر وانا غلط غلطه بس غصب عني وهي كانت ألحت عليا ابيع شبكتها عشان كنت دخلت مشروع وفشل وكان في فلوس بتاعت ناس معايا وكنت هضر فالموضوع بعد الحاح كتير اكتر من شهر ونص بعتها ويارتني ما عملت كده كانت سبب اكبر مشكله وهي اكبر سبب من اسباب الانفصال ندمت كتير بس محستش بالندم ده غير بعد حوالي 6 شهور او سنه لان كانت غلطت فيا فرسايل عالنت مش شتيمه بس كانت بتعيب فيا زعلت كتير ووقتها طبعا مكنش فات علي وفاة والدي اكتر من 3 شهور كل الدنيا اتلغبطت معايا .. حاولت اكلمها بعد انفصال سنه ونص صدتني حاولت تاني وتالت علي ايميلها لكن بدون جدوا وبعد 3 سنين ونص حاولت تاني قالتلي كنت فين لما كنت بنام بدموعي عاوز اقولها كلمتين ورب الكون ما حبيت ولا هعرف احب غيرها انا قولتلها لكن تقريبا ما صدقتني انا سافرت خارج مصر وقولت يمكن مع الشغل انساها وابطل افكر فيها لكن بالعكس كل يوم بتعلق بيها اكتر ويزيد تفكيري فيها اكتر داخل فات 4 سنين وماشي فال 5 سنين ومش عارف انساها قلبي مش عاوز يحب غيرها خاولت معاه كتير بكل الطرق معرفتش يمكن واحنا بننفصل كتير المشاكل والضغوط مخلتنيش افكر كويس وانا كان ومازال حبي لوالدي كبير وكان مسيطر عليا فقدانه لحد الان مسيطر عليا ووقتها تعبت وجاتلي حاله نفسيه ودلوقتي بعاني فراق والدي وفراق حبيبتي وحاولت تاني اكلمها علي الايميل بس تقريبا عطلته مش شغال وانا خارج مصر دلوقتي بقالي 3 شهور حاسس اني مليش مستقبل ودلوقتي انا عندي 31 سنه ونص ومحدش يقولي انساها لان صعب اوي مش عشان هي اجمل بنت ولا الكلام ده لكن عشان هي اللي حسيتها بجد وحسيت اد ايه هي كمان بتحبني معرفش الحب ده راح فين هي بجد نسيتني ؟؟ صديقنا العزيز من الواضح من كلامك السابق أنك شخص رومانسى جدًا لأحتفاظك بحب لا أمل له 5 سنين لو كان هناك أمل بسيط فى الرجوع من جانب حبيبتك كنت حاولت أن أعزز لك هذا الأمل وانصحك بالمحاولة من أجل حبك الوحيد. لكن أنت تتحدث عن 5 سنوات وهى لا ترغب فى التواصل معك بكل الطرق .. لا أقصد احباطك ولكن جميع الحقائق التى تحدثت عنها مسبقا تدل على ذلك عندما تركز تفكيرك على عدم القدره على النسيان فلن تستطيع نسيانها أبدًا؛ حاول قدر المستطاع الارتباط بأخرى ,اعمل على نفسك وحاول الانخراط فى الناس . اخلق لنفسك حياة جديدة ..إن شاء الله سوف تتغلب على محنتك وسوف يدق قلبك مرة أخرى . هذه الأمور بيد الله وحده لأنه هو مقلب القلوب وسوف يهدى قلبك للصواب. مواضيع متعلقة بص وطل