هذه اليومين اذا حد وقفك وانت جازع في طريقك .. اكيد بيكون هو مسلح وانت بلا سلاح واكيد هو بيسالك انت مع مين ..؟ ولان السؤال صعب وماتعرفش اللي قدامك مع من قله:انا مع الدولة .. اكيد الرجال بيحك رأسه وبيسالك كام سؤال وبتساله. اذا طلع الرجال من اصحاب عبدربه وسالك ايش من دولة قله الدولة اليمنية.. الحكومة ياخي واتخارج. وإذا طلع من اصحاب الحراك قله .. ياخي نحن مع دولة الجنوب.. تفرج على ملامحي مش شكل انفصالي هذا واتخارج .. وإذا طلع من الجماعات المسلحة قله .. نحن مع الدولة الاسلامية.. وضيف بالله في حد مش مع الدولة واتخارج. احفظوا كلمة السر .. انتم مع مين؟؟ مع الدولة