ياذي فتحت الباب لازم تغفله - ولا رع امحنشان با تدخل عليك لازم تذكي الهيج ولا تعقله - ولا شعه جاهز وهو عينه عليك لا تتركه ينهض قده في المزبلة - دوسه برجلك قبل ما يدعس عليك هذا وكيل إبليس طول المرحلة - لا عاد يضحك لك وجزعها عليك مارد ولاحد بأمنه أو يقبله - قده وكيل إبليس بالحمى عليك إبليس والشيطان نفسه قر له - ووكله في الارض أشر له عليك لازم تحاسب قبل ترمي القنبلة - ولا تحملها ومأواها عليك عندك تجارب في السنين الاولة - اذكر تجاربنا الذي مرت عليك قد سالمين العام كلا قال له - احذر من العياب ذي يلوي عليك ولا سمع ناصح ولا يتقبله - لما وقع في الشبك والليلة عليك هذا كلامي عادني باسجله - للوقت والتاريخ ما يخفى عليك
جواب احمد عبدالله امزربة يقول :
ياذي بدأت القول حيا لك وله - شاعر مجرب رحمة المولى عليك ناصح وواجب كلنا نتقبله - يا عبدربه صاحبي فازع عليك رع من يربي حير تالي يوكله- لا تأمن الحنشان ذي تدرج عليك فازع يسوا لك في التصالح حنجلة - لا سدت الحمران باترجع عليك هذه عصابة ما تبا شيء ديولة - شرع العصابة ترمي التهمة عليك انته رجل صادق وصدقك مشكله - ومسيلمة كذاب بايكذب عليك البيض قدامك تراء وش صار له - شف ما جرى للبيض بايجري عليك راكن عليك الشعب حل المسالة - أوبه تخيب ظن ذي راكن عليك رع من صدق في الحق ما حد ينعله -حاذر يردوا نعلهم كله عليك ينعلهم التاريخ طول المرحلة - وما عمل عفاش مردوده عليك شوف النمارة با تحانق في عله - لا تأمر الحمران باتحنق عليك
مداخلة للشاعر صالح ناصر الحنشي
نحنا فتحنا باب ما بانقفله - ومن دخل في الباب هو منك وليك ان هو معنا للسنين المقبلة - ولا تجرع مر لا يخفى عليك نحن عملنا صلح لازم نكمله - ومن بدا بالعيب با يصبح اليك من مد أيده وأحب إنا نقبله - وإلا الوطن والشعب با يشهد عليك
