يمرس : معاكم((بيض ديوكه))..؟!

هل أصبحَ المجلس الانتقالي الجنوبي من الماضي!!؟ مليشيا الحوثي توقف مشروع مياه يخدم 8 قرى في إب سياسي جنوبي: البنك المركزي يفقد دوره ويواجه خطر الإفلاس حضرموت.. إعادة فتح مقر الانتقالي بمدينة المكلا قاليباف: طهران تفاوضت بحسن نية.. والكرة الآن في ملعب واشنطن لكسب الثقة هزة أرضية وسط محافظة الحديدة تعثر مفاوضات "إسلام آباد" بين واشنطن وطهران.. والقصف يتوسع في لبنان قمة نارية بين السيتي وتشيلسي اجتماع في البيضاء يناقش أوضاع السجناء المعسرين وتسريع البت في القضايا المواطنين. إصابة 18 مدنياً بنيران حرس الحدود السعودي في صعدة القائم بأعمال رئيس هيئة مكافحة الفساد يلتقي وكيل وزارة الداخلية لقطاع الخدمات المدنية ويقوم بزيارة إلى مصلحة الأحوال المدنية التعنت الأمريكي يفشل مفاوضات اسلام آباد خبير مصري يحذر: دعوات إصلاحي يمني في السعودية لإستهداف الملاحة في باب المندب (توثيق) المجموعة الجنوبية المستقلة تبحث ملف الاحتجاز التعسفي مع فريق أممي في مجلس حقوق الإنسان "فيديو".. فتاة تنتحر في حجة بالقفز من الطابق الثالث وأنباء متضاربة حول الأسباب الدكتور الجريري يعيد تعريف أزمة الوقود ويسقط رهانات قوى الفوضى اتهامات لعمرو بن حبريش بإضعاف مكاسب حضرموت بعد تفكيك النخبة الحضرمية يافع تزف شهيداً جديداً دفاعاً عن كرامة وأرض الجنوب تغاريد حرة.. رأي وموقف في زمن الحرب والقطيع البيضاء.. اغتيال شيخ قبلي وقيادي في المؤتمر الشعبي العام جيروزاليم بوست: ورقة باب المندب منعت انخراط الخليج في الحرب تحذير رسمي من السير في طريق (صنعاء عمران حجة) توقيع اتفاقية توسعة مدخل مدينة الحديدة بتكلفة 2.5 مليار ريال حضرموت والموت فيها يحضر ذاكرة الماء الحالمي يعزي بوفاة العميد عبده عبدالله سالم ياقوت بدعم سعودي.. وصول 20 شاحنة مساعدات غذائية إلى عدن الأوقاف تعلن بدء إصدار تأشيرات الحج أكثر من 4 تريليونات ريال خسائر قطاع الخدمة المدنية ووحداتها خلال 11 عاماً من العدوان اول رد رسمي لصنعاء بشأن "الانبوب السعودي" منع دخول الوقود إلى مدينة مأرب وسط توتر قبلي عسكري في صافر حراسة حقل نفطي بشبوة يشكون هضم حقوقهم ويناشدون المحافظ للتدخل دراسة: الالتزام بموعد نوم ثابت يحمي قلبك من الأمراض الصحة الفلسطينية تحذر من كارثة لآلاف المرضى العالقين ارتفاع مؤشر بورصة مسقط عدن.. مقتل شاب طعناً بسلاح أبيض في كريتر والأمن يضبط الجاني موكب الإبداع النسوي بين إيقاع الحلم وغزو الإبداع الرقمي الثقافي الصومعة يقتنص اول فوز في البطولة الكروية بالبيضاء صفعة جديدة للريال في عقر داره كلام غير منقول... الثاني خلال 24 ساعة.. وفاة طفل جرفته السيول في تعز تغريبة علوان العثور على جثة طفل تعز بعد ساعات من البحث المتواصل في مجاري السيول الأمة بين مطارق البغي وسندان الشتات استعدادا لنهائيات آسيا.. منتخب الناشئين يكسب اليرموك ويخسر من أهلي صنعاء في معسكره الداخلي الأركانة تحتفي بالشعرية الفلسطينية في دورتها الثامنة عشرة رئيس هيئة الآثار يتفقد معالم الحديدة ويؤكد: حماية التراث جبهة صمود تقام بنظام خروج المغلوب.. قرعة كأس رئيس الجمهورية تسفر عن مواجهات متوازنة مدرب المنتخب الوطني الأول: وضعنا خطة تتجاوز مواجهة لبنان ونتطلع للفوز والتأهل لنهائيات آسيا داخلية الاحتلال الأجنبي في المكلا تلاحق 3 من قيادات انتقالي حضرموت (وثيقة) مرض السرطان ( 6 ) الخارجية الإماراتية توضح بشأن أوضاع الجالية الإيرانية عدن.. نقل عريس إلى العناية المركزة بسبب منشط جنسي اللهم لا شماتة إشكالية الرواية والتدوين بين قداسة النص وإشكالات النقل البرلماني اليمني أحمد سيف حاشد يواجه المرض والحياة في الغربة وسط صمت رسمي مستمر صنعاء : تعميم هام .. بشان صلاة العيد ..! رسمياً.. 3 دول تفاجئ العالم باعلان الخميس أول أيام عيد الفطر

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

معاكم((بيض ديوكه))..؟!

عبدان دهيس نشر في عدن الغد يوم 14 - 04 - 2018

إحدى الأسر(المعاريف) من جيراني في عدن.. قالت لي :(ياعم عبدان).. نبا منك خدمه.. قلت لهم :على عيني وراسي.. بس شوه من خدمه..؟ قالوا :بالله عليك أعمل معروف.. إذا هبيت لحج.. جزع لنا معاك(بيض بلدي).. كم مابتقدر.. ونحنا بنعطيك (البيس) قيمته.. أصل نباه (دوا).. قلت لهم :شومن بيس.. وشوه من قيمته.. عيب هذا الكلام.. نحنا جيران ونحنا(صحاب لحج) نعرف الاصول.. خلاص ابشروا طلبكم مستجاب.. وأعتبروا(البيض) عندكم.. ولايهمكم حتى اذا تبوا الدجاج حق لحج كلهم.. مع (بيضهم وطيورهم وديوكتهم) وزايد فوقهم(مشبك وقرمش ومضروب).. باجيبهم لكم ملات (عشره بوابير).. ولايهمكم انا هب كل (خميس) إلى بلادي (الوهط) بلحج.. لكم الا (بيض بلدي).. من الدجاج حقون (جدتي)_والله اني نسيت ان (جدتي) الله يرحمها_قد ماتت زمان(ايام الترك) لما كانوا في لحج.. قالت الاسره تمام يا(عم عبدان).. لاتنسانا الله يخليك.. قلت لهم خلاص.. عيب الله المستعان.. الى هنا والخبر مفهوم.. ان جيراني يبوا (بيض بلدي)..قولوا يا جماعه الخير ..هبيت (الوهط) عند اهلي وناسي..وعادني حتى ماشي جسيت ولا شربت حتى (قب ماي).. هبيت ساني.. من حافه لاحافه .. اتخبر وأسال .. يا خلق الله: شي معاكم(بيض بلدي)..! وكلما جزعت بيت قلولي.. وين انته تعيش ماشي عاد نربي دجاج.. ومن وين بيجينا البيض اللي تباه..؟ شوف بتحصل(بيض بلدي) عند (الرعيان).. قلت لهم منوه ذولا(الرعيان) يسكنوا في اطراف (الوهط) من جهه الغرب.. هم معاهم (دجاج) من حق البلاد.. ويبيعوا (بيض بلدي).. قلت لهم.. خلاص تمام بنشوف (الرعيان)..؟قالوا:هاذولا (الرعيان) يسكنوا في أطراف (الوهط) من جهة الغرب.. هم معاهم (دجاج) من حق البلاد ويبيعوا (بيض بلدي).. قلت لهم خلاص تمام بعده بانشوف (الرعيان).. قولوا ياناس هبيت لاعند (الرعيان) قالوا.. كنت بتزكن علينا من قبل(سبع ايام) انك تبا(بيض بلدي) قلت لهم :شوه دراني.. انا كنت احسب ان جدتي مكانيه حيه وان معاها (دجاج) من حقونا البلدي.. ماشي داري ان جدتي_وحتى امي_قد ماتوا زمان هم ودجاجهم ومواشيهم.. حتى خواتي ماتوا كلهم ماشي عاد باقي معاي الا (اخت وحده).. الله يخليها ويحفظها ويعطيها الصحه والعافيه_آمين_طيب يا(رعيان).. خلاص خلونا صحاب.. وشوفوا لي معاكم (بيض بلدي) من اي مكان.. اسالكم بالله افعلوا لي حل.. منشان تبيضوا وجهي عند جيراني.. والمسأله (بيض) ماشي نبا (جمل ولا حصان).. قولوا ياأهل الخير.. استحوا (الرعيان) فيني وكبرت في وجههم.. وعطوني(بيض ) كان مزكن لناس ثانيين.. لما عرفوا اني من (الوهط).. واني كتبت في الجرايد.. وقالوا انهم يشوفوا صورتي كل يوم... اعطيتهم (البيس) وشليت (البيض) وتوكلت على الله.. ورجعت من عند (الرعيان) ساني لابيتي في (الوهط).. وانا سير دلا.. دلا.. كما (العروسه) وكأن معاي(كنز) ومن شدة التعب.. وما ان وصلت البيت.. رقدت ودخلت في سابع نومه.. بعدما طرحت(البيض) عند راسي.. فجعان لاعاد يكسروه(الجهال).. وانا راقد.. جاني في الليل (بول).. قمت من النوم.. والله اني نسيت ان (البيض) مطروح جمبي.. ومع ساعه الشيطان_ولان الكرهبه طافي عليها وعلى (وزير السراج) لعنة الله.. دعست (البيض) برجولي الثنتين وتكسر كله.. ولابقيت حتى حبه سلم.. الا يا(ام الصبيان) ويا(ام الجان).. شوه هذي المصيبه.. وشوه هذا النحس وشوه هذا الدبور وهذي الشقابه.. لاحول ولاقوه الا بالله.. ذلحين شوه انا باقل لجيراني.. وهم كل يوم يتبالطوا علينا.. (تبا أدا وإلا تأديت والا المخبازه جمب البيت).. (بترقد عندنا والا المسجد برود).. لاقلت لهم ان البيض تكسربيقولوا.. (عمنا عبدان) ماشي يبا ينفعنا.. مامعاه الاجاب هذا العذر.. خلاص الله هوه العالم.. تصدقوا ان النوم طار من عيني.. كيف أفعل.. كيف سوي..؟ قمت اتصل بواحد جاري ساكن جمبي في (الوهط).. وقلت له بالقصه كلها.. قل لي:نحنا معانا دجاج.. باشوف كم بنحصل الصبح تحتهم (بيض).. ذلحين انته ارقد لك وبيقع خير لما الصبح.. وعلى قولت المثل :(الصباح رباح).. واشهد لكم بالله.. ماغمضت لي عين.. وقبل ماتقوم الطيور شليت نفسي وهبيت ساني لا عند جاري دقدق عليه الباب.... فتح لي ودخلت لاعنده.. وهب لا عند الدجاج حقونه.. وجاب (البيض) المطلوب.. وماصدقت اني لقيتهم.. وساني من صبح الله شليت (بابور انجيز) من الوهط لا عدن.. وانا ماسك (البيض) بيداتي الثنتين فجعان لاعاد يتكسروا.. وبعدين وين ودي وجهي من جيراني.. المهم قولوا وصلت لاعند بيت جيراني.. والكرهبه طفيت.. لعنة عليهم وعلى (وزير السراج).. ذلحين شوه يطلعني لاعند جيراني في (الدور الخامس).. شوه هذي المصيبه.. قلت لصاحب(البابور).. بالله أفعل معروف طلعني بالبابور لا (الدور الخامس).. قل لي :ذلحين انته من صدقك تباني طلعك بالبابور لا الدور الخامس.. عاد الله بيراجعك.. كيف بيمشي البابور في الدرج حقت العماره.. قلت له :خلاص بعطيك (كرا) وشلني فوق ظهرك.. انا فجعان لاعاد (البيض) يتكسر.. وقده البترول بينفعك.. وأحسن لك كون شل الركاب فوق ظهرك بلا تعب (البابور).. قولوا شلني (الدريول) فوق ظهره.. وبعد اول درجه طحست رجله وسقط وانا سقطت معاه.. وتكسر (البيض) كله.. شوه هذي المصيبه اللي حلت بنا.. قلت له :كيف الحل..؟ قال باوديك سوق الدجاج والحمام والطيور في السيله في الشيخ عثمان.. وهنوك بتلاقي (بيض بلدي).. وسمعت كلامه وشلني فوق ظهره لما السيله ودلونا على واحد اسمه(عبدالله المرتني) اشهر بايع(بيض بلدي).. ولقيت عنده مطلوبي مع قليل حوايج.. حياك الله يا(مرتني) والله انك اصيل تستحق الاحترام لانك عادك تبيع (بيض بلدي).. بس لو كان عاده معاك (بيض ديوكه).. كان بيكون تمام.. ضحك وقال :يا لحجي عيب عليك خليك البلاطه.. انا تعجبني كتاباتك في (عدن الغد).. أح يازمن وين هبوا(الدجاج البلدي والديوكه البلدي والبيض البلدي) حقون زمان..؟ بالله عليكم أسالوا اللي ودانا إلى.. (وحدة العصيد والسحاوق) بتلاقوا عنده الجواب..!

انقر هنا لقراءة الخبر من مصدره.