كتب: حسين باحكيم القصة تبدا عند مدير منتج في صنعاء تصل يقوله انت حسين , يقول له : ايوه, يقوله انت الي ارسلت الرواية حقك عبر الموقع حقنا, قال له : ايوه, قال له ممكن تطلع لنا بكرا لصنعاء, رد عله: طيب و شل صاحبه وراح ووصلوا للشركة في ثاني يوم , قال له المخرج حقنا قرا حقك الرواية وعجبنه ويشتي يعملها فيلم وقالي اتصل بك عشان نتفاهم حتى بنتي قراتها وطلبت من المخرج انها تعمل هذا الدور وتشتي تشوف من الي كتب هذي القصة, بس في سؤالين محيرنا, السؤال الاول : فين كتبت القصة , والسؤال الثاني سمعنا انه لك قصة حب فاشلة في السوبر, رد حسين : كانت معي مكينة طباعة اشتغل فيبه جنب المحكمة, اكتب قضايا الناس , مشاكل الناس و حضرت جلسات في المحكمة, وشفت شهود يشهدوا بالكذب بحلف اليمين, سالت واحد منهم : ليش تشهد بالكذب , رد عليه : الجوع كافر, ومن هنا اجتلي الفكرة وكتبت الروية وجسيت اكتبها لمدة شهر ونص وارسلته لكم عبر موقعكم, ورجعت امارس عملي اجالي واحد الصباح عنده مشكلة وطلب مني اجيب له واحد يشهد معه بالكذب وبعطيله عشرين الف, وقفت وصحت بكل صوتي وقلت من بيشهد مع هذا الرجال بالكذب وبعطيله 20 الف, الرجال استحى وشل نفسه وراح, ثاني يوم اجيت لاقيت اجهزة مكان شغلي كلها مكسرة من طابعة وكرسي وكل شيء, اتاثرت قليل وجسيت افكر من الي عمل كدا, اجا صاحبي قالي مالك منهم وشلنا معه الكافتيريا قلي في تاجر طلب مني اجيب له واحد مسوق طباعة بالسوبرات ويكون معه لسان مليح , قلت له طلبك موجود, شلنا معه يعرفنا على التاجر, التاجر انبسط من كلامي وصرف لي 20 الف قلي جهز نفسك وتعال الصباح, بتلاقي عرض الاسعار موجودة ودراجة نارية, اجيت الصباح استلمت كل حاجة, درت السوبرات اقدم عرض الاسعار واخر سوبر مدير مشترياته ضمران قالي بننزل بضاعة بس تسديد الحساب انته وشطارتك عند البنت المحاسبة زيك زي العملاء, وافقته قالي بس بالأسبوع الطلعة عندي يومين اليوم وبكرا, قلت له طيب ممكن اطلع اشوف كيف معاملتها مع العملاء , قال عادي اطلع شوف, طلعت افتح الباب و انا داخل وهي خارجه و اجت عيوني بعيونها, لمدة عشرين ثانية, سالتنا قالت لي انته عامل او عميل, قلت له لا عميل , قالت لي راعيلي بالمكتب بروح عند المدير وبرجع, المكتب الي هي جالسة فيبه فيه بنات يشتغلوا معاها, جالسين يتسمعو غنية عبدالحليم, وحدة من البنات قالت هذي احلا غنية حقه, انا قلت لا احلا غنية هي ( اول مرة تحب ) على دخلة المحاسبة, قالت: صح كلامك. جلست تكلمنا على البضاعة قلت له بانزل العصر, اجو اثنين عملاء لعنده ينادونه باسمه, قالت للاولي دورك الاسبوع الثاني وقالت للثاني دورك بكرا, قالت لي هذي هي معاملتي, نزلت من عنده ورحت اصلح له لوحة مكتوب فيها مكتب الاستاذة (ماريا/محاسبة ضمران), ورحت اقدمه لها مع قلم هدية, سالتنا لش هذي قلت له عشان ينادونك باسم استاذه, قالت لي شكرا... نزلت بضاعة, قلت له ايوه, قالت تعال بكرا, صرفت لي شيك, سمعت البنات يقولوا له اوبهي يضحك عليك يعشمك بالحب عشان تصرفي له شيكات. اجيت له بعد 15 يوم قلت له ممكن اقابل المدير, قالت لي ادخل, رحت لعنده وخرجت واجيت لعنده قلت له انا حصلت دبلة تحت مجدولة مش عارف فين اوديها, قالتا معانا صندوق امانات روح وديها هناك, قلت له لا يا اعطيك هي يا اخليها عندي, وانا لافت على البنات, قالت لي خليها عندك. بعد 10 ايام فاتحتها بالموضوع, قلت له في حد اجا يسال على الدبلة, قالت لا, قلت له انتي صدقتي انه لاقيت دبلة هذه حقك اشتي اتقدم لك, قالت له قدني حاسة, ومن هنا بدا الحب... وتمت الخطوبة وكنا نتكلم ونخرج مع بعض, اجا يوم عيد ميلاده هي مش ذاكرة و جبت له حبة كيك واشتي افاجاه انا والبنات الي عنده بالمكتب, عندما دخلت شفته تسب لوحدة من البنات, البنت دي راحت تشتكي عند المدير وقالت له في شاهد, رجعت قالت للبنات بتشهدوا معي, البنات سكتوا, قالت انته بتجي تشهد معي بكلمة حق, قلت له انا بعتذر لك بالنيابة عنه عشان نحتفل بعيد ميلادها سوا ومنضيعش هذي اللحظة, قالت لي شكلك معندكش رجولة, قلت له هيا امشي رحت معه اشهد, المدير صيح لماريا, قله يا تعتذري له يا بوقفك من العمل, قامت اعتذرت له, انا قلتله برافو عليك يا ماريا, شلت القلص من فوق الميز وطفشتنا فيبه وكان فيه ماء, وحلت الدبلة ورمتها فوقي وقالت انسى الي بينا, وتعال بعدي بصفي لك حسابك, ولو دخلت السوبر هذا عد بخلي الحراسة يضربوك, شليت الدبلة ورحت بعده, قالت للبنات طلعوا حسابه, ورمت الكيكة علي, وفتحت الدرج وخرجت صورة الرواية ورمتها فوقي ,وسلمنا الحساب, العمال الي تحت والي فوق طلعوا يتفرجوا على هذا المنظر, ورحت للمدير قلت له انت راضي على هذا الخبر, قال لي انت اجيت تحب ما اجيت تشتغل وتشتي تشل علي وحدة انا واكن عليها بالشغل, شليت نفسي وخرجت, ثاني يوم رحت عند التاجر الي انا اشتغل عنده, قال لي اسمع يا ابني ماريا اتصلت بي قالت لي تشتينا ننزل منكم بضاعة واحاسبكم سريع, مشتيش حسين باحكيم يشتغل معك وانا مش ناكر الي عملته لي, بس بخبيك بخليك مدير مخازن وبجيب واحد بدالك مسوق عشان نمشي الشغل و قلت له اعمل الي تشوفه, خرجت من عنده اتصل لها ما تجاوبش. بعد مرور 40 يوم اتصلت بي قالت لي اشتي اقابلك بالمكان الي كنا نروحه, رحت البيت جري اجيب الدبلة واراعيله بالمكان الي قالت عله, شفتها واجيه وكنت فرحان وكانت مشيته حلوة ونظرته نظرة فرح وجلست اطلب لي عصير, طلبت له عصير, دخلت يدي جيبي اخرج الدبلة وهي سبقتنا وفتحت الشنطة حقها وخرجت دعوة فرح, شفت اسمه جنب اسم العريس حقه, قمت كرعت الدبلة وسبته ورحت,,, هي هذي قصتي. قالولي هي الخسرانة, الي يزعل من كلمة حق ما تستحق تكون لك و وبتندم الان لما نعمل الرواية الي رمته فيك ونصورها فيلم, طلب مني يضيفنا قلت له خليها وقت ثاني, كتبنا الاتفاقية حق الرواية, وخرجت انا وصاحبي فرحانين, اجينا على شارع فاضي لاقينا واحد يمشي هو وابنه الصغير, سيارة عدت ودقت الاب ونحن لحقنا الجاهل, شفت البنت الي تسوق السيارة ورقم السيارة وراحت, اتجمعوا ناس ورحنا نسعفهم المستشفى, الناس اجوا لعندنا قالو خلوا الجاهل عندكم لانكم انتو شفتو الحادث, نحن اتصلنا باهله قالو بيجو, انا قلت لصاحبي خلي الجاهل معك بروح اجيب له عصير وبرجع, رحت افتح باب المستشفى وانا خارج وماريا داخله, سالته اش معك هنا, قالت لي عمي اتصل بي وقالي زوجك عمل حادث ودقنه سيارة, قلت له معه طفل , قالت ايوه بس هذا مش ابني ابن زوجته الاولى المتوفية, قلت له تدري من شاف الحادث انا الي شفته تشتينا اشهد معك, بعد ما اطمنت على زوجها وكل حاجة رحنا نعمل بلاغ عطيتهم اوصاف البنت ورقم السيارة, قالو لي تعال بكرا, اجينا ثاني يوم النيابة, لاقينا المنتج وبنته, المنتج سألنا اش معك هنا قلت له اجيت اشهد ضد بنتك هي الي صدمت بالحادث, المنتج لفت لعند ماريا وقالي هذي هي قصة حبك الفاشل................................تكملة القصة في وقت ثاني.
