يمرس : صحافة ساخرة: حديث بين غربان بعدن

76.5 مليار دولار.. حصيلة التجارة الخارجية الإيرانية في 8 أشهر الجنوب مع حضرموت منذ البدء.. والثروة للزيود وشتائم السفهاء للجنوبيين أمين عام الإصلاح يعزي رئيس تنفيذي الحزب في البيضاء بوفاة شقيقه رحيل الشيخ المقرمي.. صوت التدبر الذي صاغته العزلة وأحياه القرآن أوكرانيا تستهدف ناقلتيْ نفط روسيتين في البحر الأسود 159 قتيلا وعشرات المفقودين في إعصار مدمر يضرب سريلانكا محافظ شبوة :الفرصة سانحة لدحر المحتلين حضرموت ساحة الصراع الجديدة بين السعودية والامارات 30 نوفمبر.. من جلاء المستعمر البريطاني إلى إسقاط مشاريع الوصاية الجديدة مقتل اصابة 14 شخصا بإطلاق نار في كاليفورنيا حين قررت القبائل أن تقول كلمتها من نوح الطيور إلى نواح الإخوان النخبة الحضرمية وحدها قوة شرعية... وبن حبريش مصدر الفوضى السامعي يبارك للشعب اليمني حلول الذكرى ال58 لعيد الاستقلال الوطني 30 نوفمبر بدون طيار تستهدف قياديًا في تنظيم القاعدة بمأرب انعقاد المؤتمر الصحفي لتدشين بطولة كأس العرب قطر 2025 طائرة ورقية تدشين المخيم الطبي المجاني لأمراض العيون والاذن في ريمة إب.. تحذيرات من انتشار الأوبئة جراء طفح مياه الصرف الصحي وسط الأحياء السكنية مدير امن تعز "الحوبان" يرفض توجيهات المحافظ المساوى بإخلاء جنود الامن من مصنع الطلاء كميكو الشاب حميد الرقيمي. من قلب الحرب إلى فضاء الإبداع نهاية تليق برجل رباني نائب وزير الخدمة المدنية يؤكد أهمية مسار البناء الثقافي لموظفي الدولة في تعزيز ثقة المواطن بالدولة ومواجهة مخططات الأعداء اليمنية تعلن إلغاء اشتراط حجز تذاكر ذهاب وعودة للمسافرين من اليمن إلى السعودية الاقتصاد الهندي يتفوق على التوقعات ويحقق 8.2% خلال الربع الثالث" كأس العرب 2025.. تعديلات غير مسبوقة على قوانين كرة القدم تأهّل 20 سباحاً إلى نهائيات بطولة المياه المفتوحة على كأس الشهيد الغماري بالحديدة عاجل: قائد العسكرية الثانية يتعهد بردع اعتداءات بن حبريش بعد أدائه المبهر.. هل بات أرسنال الفريق الأقوى في أوروبا؟ الأرصاد: صقيع على أجزاء من المرتفعات ودرجات الحرارة الصغرى تلامس الصفر المئوي الصحفي والشاعر والاديب الراحل الفقيد محمد عبدالاله العصار فقدان السيطرة على السيارة ينهي حياة أسرة مصرية الشجن جلادباخ يعطّل لايبزيج.. وكومو يواصل صحونه في إيطاليا مساحته 5 ملايين كيلومتر.. ثقب عملاق فوق الأطلسي يثير قلق العلماء أمام الأهلي.. الجيش الملكي يتعثر بالتعادل "شبوة برس" يكشف اسم الدولة التي إغلقت قناة بلقيس جنوب سوريا وخطى حزب الله الأولى.. هل تتكرر تجربة المقاومة أم يحسمها الجولاني؟ إليه.. بدون تحية ترحيل 2359 إفريقياً دخلوا البلاد بطريقة غير مشروعة ايران تقاطع قرعة مونديال 2026 بسبب ازمة التأشيرات الرئيس الزُبيدي يعزي في وفاة المناضل عبدربه سالم محرق انتقالي العاصمة عدن ينظم كرنفالاً بحرياً ضخماً للزوارق في مديرية البريقة رسائل إلى المجتمع فضول طفل يوقض الذكريات الأجهزة الأمنية بمأرب تضبط عصابة ابتزت واختطفت امرأة من محافظة أبين بعد ان علمهم القراءة والكتابة، زعموا انه كان لايقرأ ولا يكتب: تقرير أممي: معدل وفيات الكوليرا في اليمن ثالث أعلى مستوى عالميًا قصتي مع الشيخ المقرمي في وداع مهندس التدبّر الشيخ المقرمي.. وداعا الاغذية العالمي يستبعد قرابة مليوني يمني من سجلات المساعدات الغذائية معرض وبازار للمنتجات التراثية للأسر المنتجة في صنعاء صنعاء تستعد لانطلاق مهرجان المقالح الشعري الذكاء الاصطناعي يفتح آفاقاً جديدة في أبحاث الدماغ الرياضة في الأربعينات: سلاحك ضد الزهايمر الصحة تعلن ارتفاع وفيات وإصابات التهاب السحايا في اليمن غداً انطلاق بطولة 30 نوفمبر لأندية ردفان 2025 والمقامة في دار شيبان الراحة بمديرية الملاح.

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

صحافة ساخرة: حديث بين غربان بعدن

عدن الغد نشر في عدن الغد يوم 04 - 04 - 2014

الساعة الثامنة صباحا يقف غراب ويدعى "قربوع" على غصن شجرة مريمرة بالقرب من مدرسة "الفجر" وسط الشيخ عثمان . تمر اللحظات بطيئة في انتظار قدوم صديقه "منتوف" وهو غراب أخر لكنه يقطن بمديرية دار سعد .
عاد قربوع قبل يوم واحد قادما من رحلة قضاها على متن مركب بحرية نقلته الى الصومال حيث عاش هناك لثلاث سنوات واتفق على ان يلتقي صباحا بصديق عمره الغراب " منتوف" وهو صديق طفولة من دار سعد .

من بعيد يبدو "منتوف" قادما صوب صديقه "قربوع" وهو يهز جناحيه بتهالك شديد قبل ان يحط إلى جانب صديقه وهو يلهف بشدة . الأجواء حارة وشديدة لكن منتوف يواصل شاقا طريقه صوب صديقه "قربوع"

قربوع – مالك صلي عالنبي الساعة ثمانية امانة لله انتظرت لمن ورموا رجولي وانا جالس .. ليش تأخرت ؟

منتوف – ياخي خليها على الله بس انت تحسب عدن حق زمان .. خليها على الله بس ذي اليومين علشان تروح الحافة الثاني لازم تحاسب الدنيا قراح من كل جانب .

قربوع – ايش في قلقتنا ياخي قدنا من أمس بالليل جالس فوق العودي هذا وقلبي مش مطمئن احس انو عدن ماعاد هيش زي زمان .. مالكم ايش جرى ؟ ايش حصل ؟

منتوف – ياقربوع خلينا ساكت بالله .. قد كنت بالصومال مرتاح ايش رجع اهلاتك لوجع القلب،.. عدن ماعاد هيش ديك حق زمان. عدن دي اليومين ازبط قال اخفع .

قربوع – الله يستر ياخي أمس بالليل ماخلوناش ننام جالس اسمع قواريح من ناحية الممدارة ايش معهم حرب ولا ايش .. لايكونوا الجماعة خرجوا من عدن .

منتوف – ايش من حرب ايش من جماعة ياقربوع تعرف لمن كان ممنوع قراح الطماش بالزواجات الان اسكت لك بس الناس صارت تقرح قنابل وبوازيك .

قربوع – صلي عالنبي ايش تقول طيب وين الأمن وين الدنيا؟ .

منتوف – ايش من امن بيضحكوا عليك ذي اليومين لو معك قنبلة وتشتي تفجرها بعرس فجر وامشي لك.

قربوع – الله يستر .. المهم طمنا ياخي كيف المدينة وايش اخبار الناس شوفنا أمس بالليل وصلت جزعت من فوق ساحل أبين اشوف لك الدنيا مطفاية تقول مقبرة حتى اجيت للشجرة هذي ولا لاقيت واحد من اصحابنا زمان .

-منتوف :ايوة ياخي الغربان اتهاربوا من الاشجار هاذي ماعاد هيش زي زمان دي اليومين قراح الرصاص والطماش من كل جانب الجماعة هربوا .. راحوا أبين وفي منهم راحوا لحج .

قربوع – ايش هدي الأخبار اللي تفجع .. اقولك كيف المدينة وكيف الناس وايش الأخبار؟

منتوف– والله الأخبار ماتشجعش تعرف ماعاد نأمن نخرج مكان تلاقي الواحد جالس فوق شجرة ومايخلوا الناس له حالة الشباب بلا عمل ، الكهرباء طفي لصي ، المي مقطوع وجالسين الناس يجدلونا بحجار قالك حاسين بفراغ واحباط
.

قربوع – مش قالوا عملوا ثورة وتغيير ومش عارف ايش ؟

منتوف – والله ياخي كل شيء بعدن تغير للاسوأ .. شوف روح شوف الشيخ كيف رجعت وساخة بكل مكان وطرق مكسرة بس تشتي الصدق الكداديف وربي مليان بكل ركن كدافة والواحد ماعاد يتعب زي زمان.

قربوع – طيب حلو مال عارك تخوفنا .. أهم شيء الاكل متوفر كانوا زمان يجرجونا للمحراق علشان تلاقي لقمة .

منتوف – ايوة ايوة بهذه والله "وحيد رشيد" مش مقصر لف لك جمب الشجرة هاذي بتلاقي كدافة الله يقول الحق المحافظ مش مقصر بس ياخي الغربان هربوا بسبب القراح ، تعرف "حمودي" صاحب كشك التمبل بسوق الصيد.

-قربوع – ايوة داك الولد الرابخ ؟ مسكين ايش أخباره ؟

- منتوف – ايش من مسكين ايش من رابخ الرجال قد معو سلاح إلي وجالس يبيع "حبوب" وكل ليلة جالس يقرح رصاص من شق وطرف .

قربوع – صلي عالنبي ايش من حبوب تقصد (مخدرات )؟

منتوف- ايوة مخدرات مالك مش عارف انته .. يبيعوا طريق طريق .. اقولك عدن ماعاد هيش زي زمان .

قربوع – صلي عالنبي طيب وين الحكومة وين الناس مايتحركوش يحموا الشبيلة ؟

منتوف – مافيش حكومة لو معك حشيش باتبيع ابوه عيني ؟ تصدق ياقربوع هيا حمودي هذا كان يحشش ويجي أخر الليل يقزع بالالي حقو الغربان اللي بالشجرة هاذي ، قتل لك نصف الحافة ، تعرف الغرابي مسعود مرشوش .
- قربوع – ايوة ماله طيب وابن ناس ؟

- منتوف – هيا مسعود قتل على يد "حمودي" كذا بطرة قبل خمسة شهور تقريبا ، روح مسعود تعبان واخذها نومة فوق هذي الشجرة واجاء حمودي قرح راسه .

- قربوع – لاحول ولاقوة الابالله ايش هاذي الأخبار .. وعياله وين وزوجته .
- منتوف – اسكت لك بس زوجته شلت عياله وحلفت تروح تسكن جمب إدارة الأمن بتارق (طارق) نعم الدنيا هناك امان ، شلت البقشة وسكنت بجولة الزراعة قدام الأمن ، يومين إلا واجاء انتحاري فجر لك سيارة وراحت فيها هي وعيالها .

- قربوع -الله يستر ايش هذا كل هذا يحدث في عدن ؟
- منتوف - اسكت لك بس ياقربوع قدنا اقول ايش رجع اهلاتك ؟

- قربوع – تصدق جبت لي الظمأ بسبب اخبارك هذي ؟ قم بانروح نشوف إي قصبة مكسورة بانشرب وبنرجع .

- منتوف – اجلس لك بتلاقي المي مقطوع الان المي مايجيش إلا بالليل وبالنادر لاتتعبش نفسك انتظر باشوف لك بعدين من إي زغط .

- قربوع – قلي ايش اخبار الكهرباء معكم أمس بالليل شفت السراجات هذيك اللي كانت تعمينا بالليل جمب الشجرة طافية .

- منتوف – اما هذي الحمد لله لو كان مافيش قراح كان بيكون النوم على كيفك شفت هذيك الكامبات اللي كان ضوئها مايخليك تنام وشغالة بكل شارع هي هذي اليومين بتلاقي كامبة كامبة بعدن تشتغل الحكومة طنشت وماصلحتش حاجة واحنا ارتحنا بس لو باقي يوقفوا القراح بيكون نوم على كيفك، شوف الله يقول الحق في اشياء عملتها الحكومة حلوة بس ارجع واقولك القراح بس ولا كل شيء تمام .

- قربوع _ طيب والمظاهرات .. عاد باقي حد يتظاهر؟ ولا خلاص الناس تشتي انفصال ولا بطلوا .

- منتوف – المظاهرات طريق طريق ماتشوفش الاعلام بكل مكان بس ياخي مكانهم يقرحوا روسهم هنا بعدن ، قبل بيجي اسبوعين وقع لك قراح روس بساحة العروض .. نعم قال وحيد رشيد ممنوع يتظاهروا ..
- قربوع – طيب والجفري ايش يقول ؟.

- منتوف – ايش من جفري الله يرحم ايامه وايام الشعيبي اقولك جابوا واحد اسمو "وحيد رشيد" من أصحاب الإصلاح على كيفك لاكهرباء لا مي ولا طرقات ولا إي حاجة قسما بالله لو بس يبقى الرجال سنتين بانلاقي بيوت ياقربوع ، الناس بيهجوا .
- قربوع – طيب ايش رايك نقوم نروح جمب مدرسة 30 نوفمبر بانشوف صاحب العتر ..خرمان عتر وربي.

- منتوف – اسكت لك بس صاحب العتر ماعاد يجيش زي أول قدام المدرسة هذي اليومين المدارس اصبحت لعب "كبة" الطلاب ماعاد يدرسوش أخر السنة الله يخلي المغلس الغش يقع بوااااااااااار، علشان كذا صاحب العتر بتلاقييوا بسوق القات كل الطلاب هناك وقريب محلات الاتاري وهناك صعب توصل .

- قربوع – ياخي اهلكت اهلي اخبار زي وجهك .. طيب ياخي ايش رايك نروح العصر الحبيشي وربي اشتقت اشوف مباراة كرة عدنية كذا حلوة ؟

- منتوف – ياقربوع صلي عالنبي ايش من كبة ماعاد فيش حد يلعب كبة.. الناس جالسة تجري بعد الكهرباء والمي ماعاد فيش نفس لحاجة .

- قربوع – طيب ايش رايك نروح العصر ساحل أبين قدها فرصة نشم هواء ونشوف العوايل والناس وبنلاقي لنا شوية فوشار وشاهي وهات لك يادندنة .

- منتوف - ايش من ساحل أبين قد كسروا اموه كسار رجعوه موقف سيارات ومخزنين وهبالة اسكت لك بس ماعاد فيش من هذا كلو .
- قربوع – ياخي صلي عالنبي انا اجيت عدن ولافين ؟
- منتوف – والله اجيت عدن بس عدن خلاص ماعاد هيش عدن زي زمان .. رجعوا امها قرية ياقربوع تصدق والله إننا رحت صنعاء قبل اسبوعين والله عايشين زي الفل ايش الجسور وايش الدنياء.

- قربوع – إيش من صنعاء ايش من هباب اسالنا انا اللي اجيت من "مقديشو" لو تشوف الناس عايشين كيف هاذي اليومين ، الأمن والأمن اكلين شاربين وعادهم فوق كذا كلو كل عصر جمعة يعملوا حفلات رقص وليوه بساحة الجندي المجهول بمقديشو .

- منتوف – ايش هذا بالصومال مش قالوا حرب ؟
- قربوع – ايش من حرب والله مافي حرب إلا عندكم انتم ؟ الناس هناك عايشين فل الفل والجماعة هنا مكنوكم باتهجعوا ولا بانرجعكم زي الصومال ، والله أنهم عايشين احسن منكم بعدن .
- منتوف – والله ياقربوع نحن الغربان مالناس دخل بالناس خلينا بعيد الناس بعدن ساكتين احنا ايش دخلنا خلينا نتقرص على بطوننا بالسكتة .
- قربوع – ياخي لا والله انا بصراحة مابقدرش اعيش هنا برجع لي مقديشو باتجي معي ؟ قم والله باعيشك احلى عيشة .
- منتوف – معك معك ياقربوع مقديشو مقديشو
يغادر منتوف وقربوع مدينة عدن على متن قارب صغير صوب الصومال .
"انتهى".

انقر هنا لقراءة الخبر من مصدره.