اثبت مكان موتك يا نقراشى واكتب بدمك مصر موجودة الدم ثابت والطريق ماشى والقايمة أسوَد م السنة السّودة يا مصر نيل ونخيل وأومباشى لسّه الأماكن ثايرة وبعودة يا نظام مطاطى ومفترى وفاشى مين اللى ساوَى الوَحْش بالدّودة مين اللى ربى ومين ما ربّاشى مين اللى سدّ ف سكّة مسدودة مين اللى باعنا لمين ما يسواشى واندار عشان يقتل فرج فودة اثبت مكان موتك يا نقراشى واكتب بدمك مصر موجودة