حد معاه إخواني زياده ؟!! *************** بقلم / الشاعرة هايدى دياب حد معاه إخواني زياده ؟!! أصل أنا عايزه أهديه ل أوباما علشان تبقى حياته سعادة بس النوع اللي يجيب سكر أو .. اللي يجادل بتباتا !!!! مش هيكلف شئ على الدوله خدو وابعتلك حابه مقاوله عقله خفيف .. تفكيره نضيف ومثقف أوي فوق العاده خدو لو عايز تعمل ازمه ومعونتك برضوا ع الجزمه ده هديه خاصه لجنابك رغم جنابك ملهوش لازمه لو عايز تدخل من بكره الوطن العربي بأمان خدو يعملك حمله كبيره وشعاره .. أنا الإسلام خد كمية مش محدوده وسع واعمل اي نشاط ولو شايف في صعوبه في عقله اشرب زيه زبادي خلاط ولو في حد فرسك جداً حتى لو من غير أسباب عنده خبره مش بطاله انه ينشر ف الإرهاب أنا بهديك بقى حاجه نقاوه أصل أنا عايزه تكون مرتاح كدب , نفاق , ارهاب وشقاوه وبراعه خاصه ف مسك سلاح بكره تشوف يا اوباما بنفسك زي العالم كل ما شاف ان المصريين مش فيهم ولا واحد ابداً بيخاف . بقلم الشاعرة :. الشاعرة هايدى دياب - Poet Haidy Diab جميع الحقوق محفوظة للكاتبة