يا اللة يامن عليك الجهد والمطلوب يامالك الملك عبدك زادت احزانة ارزقني الصبر من صبر النبي ايوب الصبر يأتي بفضلك وانت برهانة صارت الدنياء هموم والزمن متعوب الحمل قد هو ثقيل وانزادة اوزانة ومن فارق اهلة وباعد يعتبر منكوب الرزق اصبح جهاد والنفس مهتانة والحين قم يارسولي وصل المكتوب واكتب دموع الألم في وسط عنوانة ترسلة لليمن للرئيس المحبوب لعبد ربة اللي نفخر بذكرانة قلة قد المغترب ياصاحبي مغلوب متحمل الهم كامل فوق احزانة جالس بحيرة وقلبة دائمأ ملهوب ومنتظر لليوم ذي يشعل بنيرانة قد السعودية نوت لوعدها المرعوب جابت قرارات لة صعبة ورنانة ذي هو مخالف يخرج من ارضها مسحوب وذي هو نظامي يحصل ظلم وهيانة البعض مقدر يعدل وضعة المقلوب يشتي لة عشرين الف والإيد طفرانة والبعض محتاج تنازل بالقرار مغصوب لكن كفيلة رفض يعطية عنوانة صادر جوازة وعمل لة بلاغ وهروب من بعدما قد نهب تعبة وميزانة واللي خسر فيزتة اسمة قدة مشطوب قصوا اقامة علية باطل وبهتانة وكم وكم مظلوم في السجون مدروب هذا في الترحيل وهذا وسط زنزانة خلاص ماعد فية لا رحمة ولا اسلوب ماغير نقول بس حسبنا اللة سبحانة حتى السفارة مريضة مسكرة البوب لا ساعدة مغترب ولا هي فكرانة لكن ورب العباد ان كل شي محسوب وبايجي يومها وتكون ندمانة لابد ما نعرف الصادق من المكذوب ونحاسب الفاسد ونطلع لة اعيانة والآن ياعبد ربة تشتي المطلوب تساعد المغترب وتكون من اعوانة اما تحاول تعدل وضعة المنكوب واما تجهز عمل في داخل اوطانة يسافر يعيش باليمن ورزقة المكتوب يجلس معزز وبين اهلة واخوانة والختم صلوا على النبي الموهوب والحمد للة على لطفه واحسانه
