جانا العيد محلى العيد هيا نغني احلى نشيد نشتي يابه توب جديد نشتي لعبه شكل جديد نشتي منك كبش فريد هذا العيد احلى عيد الكل فيبه يابه سعيد
طبعا يا ابني انت سعيد وانا همي هم فريد كبشي راح مني و لازمني كبش جديد كبشي الغالي اشتريته من خالي يوم ولد بسعر زهيد و فكرت حالي بين اخواني ذكي ذو عقل رشيد شله الموت قبل ليالي وخلاني في حزن شديد و امكم فوق راسي تهددني و تمطرني بالوعيد تشتي تغالي في المظاهر و تزيد الراحه راحت مني و الفرج عاده بعيد و العيد جنني كل سنه نفقاته تزيد و اللي يعذبني إنّي مطفر فاضي الايد محد يساعدني تركتوني يا اولادي وحيد لو كنت مغترب او ميت او شهيد كنتوا با تبكوا علي كل عيد احمدوا الله انّي بينكم احمل همكم...كثر الانكار مايفيد افرحوا بي وادعوا لي بعمر مديد
يابه قلي بكم قاتك جالس تفجعنا بمماتك قده على نفسك تنفق نص اموالك تشتغل نص النهار ونصه مخزن مع اصحابك و الشكوى هذه من يوم عرفت نفسي وبك الدنيا عرفتني محفوظه على لسانك زيد شغل جنب شغلك ودلع جهالك و العيد كن هكب له لا تتهرب من مسئولياتك اللي يشوفنا يقول شحاتين على بابك من تفكر بايصرّف علينا او يهمه حالك كلما جانا عيد افسدتة علينا بتمنانك العيد فرحه العيد بسمه بدل الشكوى سمعنا غنوه طبعا يا ابني العيد فرحه واجمل فرحه للي مثلك عاده فرخه لأني اشتي بدله اصبحت في نظرك فرخه.... والله ماني راضي اشتي اعيّد مثل اصحابي اول حاجه يا ابن الدجاجه طالب مني ثلاث بدلات و جزمه وعادك تشتي مني لعبه وتشتي نزهه و عيّاده و هذا كله مضروب في ثلاثه و لا تنسى يابه اني محتاجه تنتين مقارم و عبايه وزوجين جزم و طقم اكسسوارات و ساعه خفضت مطالبي للنهايه وكمان اشتي شنطه بس والله ما تكفيني حبه صدقني يابه اتكلم و اني خجلانه بس لازم اناسق الالوان و إلا بايسخروا مني صديقاتي و الجيران عادك خفضتي للنهايه هذا ملاحظ في العبايه و منشان تتناسق الالوان و تعجب طلتك الجيران تضحي بأغلى إنسان بس لازم نعترف عندك خطاب فنان يهمه ما اكون زعلان وبنتي تقدمني لجمالها قربان لكن صدقيني و رب الاكوان ماعندي قدره اناسق الالون لأن تناسقها يشتي ثروة وابوك مطفر يابنتي الحلوه اه يابه لو تدري كيفني مهتانه بين الناس ليش يا بنتي هذا الاحساس لأني بدون تلفون يرفع لي الراس لا يابنتي المصانه كلامك كله مجنانه التلفون انسيه جاء دور امك زوجة البيه اشتي ثوب ابو عشره الف.....
إذا اشتريته زيديني كف ايش تعملي به تشتي تفاحري به هذا طبعك وانا داري به ابي طفران يمه حرام تجنني به الان ابوك طفران ليش امك تشتي ترفع راسها بين الجيران في معي اعراس وإلا تشتوني ضحكه بين الناس اسمع اشتي ثلاثة اثواب معي غسل و زفاف وكتب كتاب واني مقدرش البس ثوب واحد في كل الحفلات لحظه يا زوجتي الغاليه خربتي علينا القافيه احنا متفقين نكتب احلى نشيد نتسلى فيبه هذا العيد وانت يا ابني اوبه تعيد تحاسبني بكم قاتي ناسي إنّي اشتريه بمالي ماجاش اليوم اللي اتحاسب فيه من عيالي قاتي و اوقاتي واصحابي هذه مقدساتي ما اسمح لأحد يدخّل في خصوصياتي و الان...سمعوني احلى نشيد وإلا بخرج بنفسي اصيد حمامه للعيد اغديكم على مرقها عصيد يالله نبدا من جديد جانا العيد محلى العيد هيا نغني احلى نشيد نشتي يابه توب جديد نشتي لعبه شكل جديد اشي يابه توب دديد اشي لوبه دديد اشي تبش دديد
