الست مراتى مخاصمه ويمينها غليظ ومحاكمه مش راجعه البيت مش طايقه وكلامي خلاص ما له لازمه يمين بيمين هتجوز مش كٍشره ومش بتبوز إن قلت الآه تتعوذ وتشيلني لفوق كالنسمة طهايه بتعرف تطبخ من غير ولا هات ولا تصرخ المٍش في أيدها يفًرخ يبقى لي كباب وشاورما وإن جيت للبيت مضايق ومزاجي عشان مش رايق أتنرفز وابقي سوابق تمتص في غضبى بحكمه في الشٍدة الزوجة وأم بحنان وبطيبة تضم ع القد تعيش وتلم على طول الخط مسالمة بنت بنوت لهلوبه جميله وإيه حبوبه شابه ومش كركوبه هتعيد لشبابي الهمة بصت لي قالت لي يا دون معرفشى انك مجنون والعِشره عليك ها تهون وتبيعني عشان كام كلمه وياك أنا كنت بهزر بنكُش فيك و بفزر كان ردك مدفع دمر أيام وسنين فيها حشمه انا برضوا كمان مكار قلت لها هزار ف هزار رجعت لي ملت لي الدار فرح وضحك وبسمه دنيا الوطن