تايه ليه كل المعاني والحروف لما جيت اوصف زماني والظروف من فراقها كتير بعاني والحياه بعديها خوف مستحيل يوصف كلامي اشتياقي واحتياجي لحضن امي ولا سهري في الليالي واختناقي من دموعي وكتر همي مها طال العمر بيا لسه باقي طفل عايش جوه مني لسه سامع دفء صوتها ياله اصحي قوم يافارس ياله ياولاد علي المدارس كنت بصحي ابوس اديها ياماه هاتي ياماه عايز اكليني شرابيني لبسيني ماتقوليش يمكن وجايز اوعي ياماه تخنقيني طب وديني لاخد اجازه كانت تزعق صوتها يعلي والسؤال يابني لماذا ياما بتدلع عليها وكانت تطبطب بابتسامة وياما بتمنع عليها وكانت بتحضني بسلامه ياما جبتلها المشاكل م الجيران لما برجع وابقه خايف الاقي في عنيها الامان هي ديما كانت بتدعي لما تسمع الادان يارب اهدي يارب احمي يارب يخلص علام بص يا ابني كانت تقولي دي السنين ديماً بتجري والحياه بتخلص قوام النصيحه خدها مني انته لسه يابني خام خلي بالك من حياتك عيش لنفسك عيش لذاتك اوعي تندم علي اللي علي فاتك اوعي يابني يطول سكاتك اوعي يابني تبوح بسرك اوعي يابني ليوم مماتك اوعي تامن للي خانك واللي باعك يوم بلاش ماتقاوحش جنون زمانك ده العناد عمره ماعاش الحياه خدها بساطه امشي فيها تاتا تاتا من طفولتك للمعاش افتكرت كلامها ليه ف يوم بكيت نفسي تاني ادوق حنانها اللي منه ما اكتفيت فاالصلاه بدعيلهاديماً ربي يحفظ كل ام ف كل بيت ================== سيد الحنبولي دنيا الوطن