* * * * بسم الله الرحمن الرحيم أنا طارق متزوج ومعايه ولادين سامح وعبد الله أنا كنت ساكن لوحدى فى شقه ايجار 3 سنين ولما والدى اشتر بيت قمت انا ونقلت البيت وبعد كده بدأت المشاكل مع اهلى ومع مراتى ... ومراتى مش بترد على اى حد مظلومه وانا كنت بجيب حقها من اى حد بعد كده كان دخولى البيت قمت قعد من الشغل نفسى اتسدت من الشغل كله وكل ما اسيب شغله اروح اقدم فى شغله تانيه وبرضه اقعد من الشغل 7 شهور قاعد وانا ومراتى وعيالى محوجين لمين ؟ لاهلى ناكل ونشرب من عند اهلى بداء الذل ابى وامى بداء يذلو اولادى ومراتى لحد محردونى على مراتى يقول ليه مش نظيفه مش خفيفه قمت مره مع مره سلمت ودنى يعنى قمت ضربت مراتى بعصايه على رأسها بعصاية المكنسه فتكسرت فبعد كده خلاص بقينا كويسين والحمد لله، فجاء لقيت مراتى بتشتكى من صداع مؤلم جدا فا انا اخت الموضوع عادى بس كل يوم بيزيد انا مكنش معايه فلوس قمت قلت لولدى قام قلى والله العظيم لو معايه لكنت جريت بمراتك للدكتور اصبح قعدين نتفرج على مراتى وهيه بضيع قدام عنينه الصداع دخل على عماء يعنى مبتشفشى اتعمت خالص كل ده من اثارالضربه وانا مش فى بالى روحت استلفت فلوس وجريت بمراتى كل منروح للدكتور يقول معندهاش حاجه اول دكتوار انف واذن وحنجره تانى دكتوار رمد تالت دكتوار مخ واعصاب قام قال حاله نفسيه وعصبيه رحت لنفسيه وعصبيه حولتنى مستشفى تانيه عشان تخد حقنه بتيجى من دوله فى الخارج قامت مراتى خدت الحقنه فى عنيها فتحت بقيت تشوف الحمد لله قمت روحنا البيت عند اهلها هيه وبعد اسبوعين اتعمت تانى فوالدها طردنى من البيت بعد كده تابعت اخبرها من بعيد عشان اهلها صعب شويه جمدين واحنا غلابه وقام اهلها بعمل اشعات وتحليل واشعات رنين ومقطعيه وعملت عمليه فى المخ طلع ان الضربه عملت تجمع دموى على عصب العين وكانت دخله على جلطه فى المخ بس الحمد لله لحقوهاه بعد كده اشعات تانى عشان اطمئنان لسه مش بتشوف حتعمل عمليه تانى بليزر على عنيها عشان ان شاء الله تشوف وعنيها تفتح ان شاء الله هيه متبعانى من بعيد بتليفون بعيد عن ابوها عشان ميشوفهاش ؟جوز عمتى راح يطمائن عليها واتكلم مع ابوها قله عاوزين 20 الف جنيه حق العمليه ويمضى على 10 وصلات امانه وامضى على تقرير بعدم التعرض لها تانى واهلى كلهم عمامى واهلى ؟ وانا معيش فلوس خالص وابويا دخل المستشفى عشان نزيف داخلى مش عارف اعمل ايه بس انا عاوز مراتى ام اولادى وبحبها وانا اسف وغلطان فى حقها واستاهل الشنق والموت بس مش عارف اعمل ايه انا اسف للازعاج صديقنا العزيز من وجهه نظرى طلبات والد زوجتك طلبات مشروعه جدًا .... بل أقل بكثير من حقها ضع نفسك مكان والدها ... أو لو حدث مع أختك نفس الموقف ورجعت لبيت أبيها وبها كل هذه الاصابات؛ هى الان معرضه لفقدان بصرها نهائيا.. كما أن الأثار الجانبيه لهذه الضربه ممكن أن تتطور أكثر من الثأتير على العين فقط . أخى الكريم لن يكفى شعورك بالندم والحسرة على ما فعلت فهذا لن يخصلك مما أنت فيه ولن يفيدك الاعتراف بالذنب ..... فما حدث قد حدث . من وجهه نظرى إذا كنت ترغب فى ان تسترد زوجتك وابنائك فعليك ان تنفذ كل ما طلب منك من جانب والد زوجتك ؛ وأن تعمل على إرضاءهم وأفعل كل شئ يحفظ حق زوجتك. ابحث عن عمل واستقر فيه حتى تستطيع أن توفى بدينك لحماك وبين لهم صدق النية الحسنه فى أن تعامل زوجتك معامله الإسلام؛ وأن تحميها من نفسك قبل أن تحميها من عائلتك، ولعل ما حدث يكون بالنسبه لك درساً حتى تتحمل مسؤليه منزلك، وان تعمل بجد حتى لا تتكل على عائلتك فى شئ . وأخيرًا أدعوا من الله أن يغفر لك على ما فعلت وأصدق النية لله ... سوف يقف بجانبك مواضيع متعلقة بص وطل