* * * * السلام عليكم انا بنت عندى 23سنة وطول عمرى بدعى ربنا انه يرزقنى بالزوج الصالح ويكون يحبنى وبتمنى زى كتير من البنات انى اتخطب وارتبط وانا صغيرة وعمرى فى حياتى ما كان ليا ارتباطات حب وكلام مع الولاد فى كورس تدريب كان فيه معايا ولد قدى اتعرفت عليه عالنت بعد الكورس بعد ما اخد الاكونت بتاعى من زميل معانا يعرفنى لاما اتعرفت عليه اتلاقيت كلمه كله دلع ليا ومعاكسة واحنا لسه منعرفش بعض وبقيت اضايق من طريقته وقولتله فقالى انه معجب بيا وكدا بس انا صديته وقولتله انى مش بتربط بحد بس الا بطريقة رسمية بس هو قالى انه مش مستعد ولسه بيجهز فى شقته فقفلت معاه وانتهى الموضوع.. بعديها باسبوع راح خطب!! انا بينى وبين نفسى اضايقيت لان حسيت انه كلامه متناقض وانه كان بيقول انه مش مستعد! كلمنى عشان يعزمنى على خطوبته وباركتله وقولتله هاجى بعديها بيومين قالى انه فركش مع العلم انه بيكتب عالعام واصحابه وقرايبه عارفين وباين انه مش بيوهمنى بالكلام . كلمنى بعديها وقالى انا عايز ارتبط بيكى واتقدملك رسمى وقالى انتى موافقة ولا لا ..وافقت وطلب منى رقمى عشان يعرفنى عن نفسه اكتر قبل ما يجى البيت اديتهوله ! وانا متردده اتكلمنا وعرفنى عن نفسه وحسيت انه انسان كويس من كلامه المشكلة هنا انه طريقته بعديها بتبقا رخمة بيعتلى رسايل عالفيس والموبايل ويقولى وحشتينى هتججن واسمع صوتك والكلام من دا كتير ..ودا مينفعش فى بداية اتنين لسه بيبدوا يتعرفوا على بعض بقيت بتخنق ومش قادرة اجاريه فى اسلوبه دا ومش عارفة هو مناسب ولا وخايفة اكون بغلط ومش عاوزة اقوله جملة هتيجى تخطبنى امتا مش عاوزاها تيجى منى انا اكمل واشوف نهايته ايه معايا ولا ابعد من الاول واقطع وخلاص !!! صديقتنا العزيزة واضح جدًا مما رود فى رسالتك أن هذا الشخص غير جاد فى الارتباط بأى انسانه وغير صريح , ففى بدايه تعارفكم قد كذب عليك وقال إنه يرغب فى الارتباط بك ولكن ظروفة المادية وامكانياته لا تسمح الآن وفورًا ارتبط بغيرك. ثم بعد ذلك انهى الارتباط وأسرع إليك ليرتبط بك وحتى الأن لم يتقدم بأى شئ رسمى؛ إذا كان يرغب فى الارتباط بك فعلاً كان عليه أن يقوم بأى خطوه ايجابيه نحو هذا الارتباط؛ ولا يقوم بالتحدث معك عن الرومانسيه والاحلام الورديه فقط . نصيحتى لك أختى الحبيبة أن تنهى هذا الأمر فورًا ... وإذا رغب هو الارتباط رسمى سيفعل دون شك. لا تجعليه بإسم الاعجاب والحب أن يأخد منك حق ليس له ... ولكن اجعليه يرتبط بك أمام أهلك والناس جميعا؛ أما لو تهرب منك فأحمدى الله أنه كشف لك أمره وابتسمى ولا تكترثى لأحد.. وتذكرى دائما انك تستحقين أن تكونى سعيدة. مواضيع متعلقة بص وطل