السلام عليكم ورحمه الله وبركاته انا شاب عندى 23 سنه مخلص جامعه وشغال ف نادى المهم هيه المشكله ان عندى ف البيت عايزين يخطبولى وانا ماعنديش مانع خصوصا انى شفت كذا واحده بس عندى بتحصل شويه عقبات كده عندى ف البيت بيقولو بنت عمك مننا وعارفنها وسايبنى براحتى عارف انت لما تكون راكب عربيه وفيه واحد جنبك كل شويه يلف منك الدريكسيون ويقلك سوق براجتك بس خليك ف اليمين هو كده خد اللى انت عايزها احنا مش هانخصبك على حاجه بس بنت عمك حلوه والكلام ده وهما كلامهم مظبوط بس انا خايف من مشاكل القرايب اللى مشهورة جدا وسعتها محدش هايقدر يتكلم عشان العيله ومايصحش وبنت عمك وكمان هيه لسه فى اولى ثانوى اقلهم ديه صغيره يقولو على ماتخلص نفسك تكون كبرت بس هيه لسه صغيرة وفى نفس الوقت لو هيه بتفرح لما تشوفنى والكلام ده فاعشان لسه صغيرة وبكره لما تكبر هاتفهم واحتمال ده يتغير وف نفس الوقت خايف اختار من بره فاختار غلط هايقولو احنا قلنا خد من العيله كان زمانك مستريح بدل الغريب والبهدله وخصوصا انى عشت الموقفين مشاكل مع ناس خدت من العيله ومشاكل مع ناس خدت من بره العيله فابقيت مش عارف ومتررد خايف من الاختيار فاصليت استخاره وكانت عشان بنت عمى وحلمت انى قاعد ف فصل مليان دكك واتنين محاميين بيزعقوا اكننا ف محكمه فابصيت لاقيت واحده قاعده على دكه وظهرها ليه بس كانت تحتها ميه بتجرى زى نهر كده نزلت تحت الدكه عشان اشرب راحت هيه مدت ايديها وشربتنى من ايديها . صليت استخارة تانى لواحده معايا فى الشغل والله مافاكر بقى اذا كنت حلمت ان امى واقفه جنبى عالسرير وبتقلى خد بنت عمك والا حصل بجد وانا كنت بنام لدرجه انى مش قادر افرق حقيقى والا حلم اسف على الاطاله وارجو الرد حيث اننى ارسلت اكثر من مرة ولم يتم الرد على صديقنا العزيز الزواج الناجح لابد له من أسس تضمن له النجاح والاستمرار وأهم هذه الأسس هي الإختيار السليم للشريكة عمرك، فيقول الرسول صلى الله عليه وسلم " تنكح المرأة "لأربع : لمالها ، ولحسبها ، ولجمالها ، ولدينها . فاظفر بذات الدين تربت يداك فيا صديقنا العزيز ليس من الضروري أن يكون إختيارك على أساس القرب أو البعد، الأهم هل تتمتع هذه الفتاه بتلك المواصفات أم لا، ثم يأتي بعد ذلك التفكير فيها من عدمه. ،فتعالى ننظر للأمر من جميع أبعاده فأنت تقول أن بنت عمك مازالت صغيرة في العمر ولا تتمتع بالقدر الكافي من رجاحة العقل التي تمكنها من الإختيار السليم، وهذه نقطة سلبيه، فحاول أن تحصر .العيوب والمميزات وبعدها حدد موقفك بعيدًا عن أي ضغط، فليست هكذا تدار الأمور. أما بالنسبه لزميلتك بالعمل فإذا كانت تتوافر فيها هذه الصفات وتشعر ناحيتها بالراحة، فلتقدم على الارتباط ولا تخف ما دمت تخطط لحياتك جيدًا ، فتوكل على الله وأخلص نيتك له سيأتيك الخير الوفير. بص وطل
