حبك ماهوش دبوس على البدله ولا وردة بالترتر على الفستان حبك رقم وإشارة ومُعادلة وشريطه سودا وغلطة فى البرهان حبك جدل وجديله ومجادلة وعيال فى حِجْر العمه والقفطان كل الخلايق فيكى متعادله إلا اللى حُبّك فيه طرح إنسان يا ساتره جسم الندل بالندله ليه العزايز تتحنى وتتهان؟ ليه اللى حَبّك مُنصفه وعادله سيبتيه يموت على سكّتك عريان؟ يا فرحه متقسمه وضحكايه متبادله يا كلمه وقت الشهاده بتربك السجّان حبك ماهوش دبوس على البدله ولا رايه فوق عربية السلطان