بلغوا العشر الدول شعب اليمن دايم بطل وان اليمن مهما حصل تبقى اليمن ارض الصمود مهما توحد صفهم وزادو علينا قصفهم لابد ما نوصل لهم لو بيننا الفين حدود مهما نسو اخوانهم واتوحدت اوطانهم وقرروا عدوانهم واحراق ارضي بالوقود ليش ايقضوا نار الفتن في ارضنا ارض اليمن وقصفهم صنعاء وعدن اتجاوزوا كل الحدود بيقولوا اليمن الشقيق ويشعلوا فيه الحريق ويحاولوا شق الطريق لإضعاف ارضي والجنود بيشعلوا نار الغضب ويسمو انفسهم عرب ايش من عروبه والطلب بيد النصارى واليهود اين العروبة يا امير المملكة عد شي ضمير او صرت لأمريكا اجير وغرتك كثر النقود ادخلت نفسك في خلاف وما بيننا اي اختلاف خلوك من امريكا تخاف وتبيع دولة بن سعود وانت يا مالك قطر يا منتظر حكم الغجر ايش الحقيقة ما الخبر خنت الوثايق والعهود ايش الذي صار قلنا خلوك توقف ضدنا او دينكم غير ديننا وانتوا بقايا قوم هود وانت يا حاكم البحرين عنشوف من ينفعك بعدين فالحرب مثل السلف والدين وكل شي بالحياة مورود نسيت من اللي حمى ارضك واوبه لدارك وصان عرضك لولا اليماني ومن حضك عادك بهذه الحياة موجود وانت ياسمخ الكويت من شجعك لما اعتديت ياليت والله الف ليت وعاد صدام بالوجود يذكرك لا قد نسيت ايام عهده كيف بقيت واذا انت عادك ما حليت ابشر فصدام با يعود ابشر وبشر كل من وافق على قصف اليمن ان اليمن ارضي ولن نقبل بها خاين حقود ومهما الامارات اعتدت وبظل امريكا احتمت وفي صحفها اعلنت با نتخذ اقصى الجهود قولوا لها اين الرجال يوم جات مريم للقتال او هو على لبس العقال يا من لك امريكا تقود ولو تحشد الاردن جيوش غير الهزيمة لن تحوش لاهم بشر احنا وحوش وكامل العالم شهود شعبي وجيشي جاهزين وباذن ربي فائزين ولاتفتكرهم عاجزين وقت الشدايد ياحسود وقولوا لمصر وتركيا ان اليمن مش ليبيا والحلم ما هو كالريا يصحو اذا عادم رقود بعيد يحكمونا بعيد لو يرعدوا ارضي رعيد ومادام حبل الله شديد خلي لهم حبل اليهود ولو حاكم السودان دعم بالطايرات او بالخدم وجيش باكستان ضم مابا يفيد كثر الحشود لو الف طياره تطير وكامل القوة تسير مادام جيزان وعسير ملك اليمن لازم يعود قولوا لحكام الخليج ما با يفيد كثر الضجيج لو يلبجو انفسهم لبيج مابا نراجع او نعود قولوا لعباد الفلوس ذي حللوا قتل النفوس كيف نفذو حكم اليهود حكم الخنازير والقرود وقولوا لصناع الفتن عباد امريكا الخون والله مانخظع ولن لو تبذلوا اقصى الجهود ليش ما تحالفتم على اسرائيل اساس كل البلا ذي ظلمها وصل الى هدم المباني والسدود كم قتل بفلسطين كم تعذيب كم ياسفك دم كم بيت تخرب واهتدم وانتم على ذالك شهود وليش ما تتوحدوا ضد المخرب والعدو ايش السكينه والهدوء صرتم بها ايش البرود شعب اليمن متكاتفين وضد المخرب واقفين لاتحسبوهم خايفين الخوف مابش له وجود تبقى اليمن عزا وفخر لو تقصفونا الف شهر واحنا لها جوا وبحر وبجبالها وكل الحيود شعب اليمن مابايهاب لوتصبح الدنيا خراب ومادام تحكمكم كلاب احنا اليمن ارض الاسود