كتب/ علي منصور أحمد يا ذي تباني اترك عدن .. عادك بعقلك أو جننت شف كل شي إلا عدن .. عدن عدن جنة وبيت حاسب كلامك وأتزن .. أوبه تمدح لا رويت شف كل شي إلا عدن .. يامن على العيبه نويت **** لو خيروني سدني ولندن .. أو في دبي والكويت با قول خلوا لي عدن.. جنة عدن غيرها ما بيت يا ما وقالوا في برن .. لكن ما ليلة بها أتهنيت برلين ما تشبه عدن .. اللي من شواطيها هنيت **** يا ما زرت عدة مدن .. ويا ما بالصبايا التقيت الفرق شاسع يا عدن .. حورية عدن ست بيت الحب فيها والشجن .. فيها الكرم عزة وصيت الود عامر في عدن .. رغم الحزن في كل بيت **** قلبي ما تعلق وحن .. الا في عدن ابتليت الفل يقرح في عدن .. ريحه يعج من كل بيت حتى ولو القارح يرن .. أن رحت فيها أو نجيت والله ما فارق عدن .. وأن دمروها بيت بيت **** عدن 11 مارس2016م