عيال لعجم صروا على ابوهم أن يقاسم بينهم الارض وعاده حي ..قالهم بوهم ..ياعيالي الوقت ماهوشي مناسب لمقاسمه… الأعداء بتطمح فيكم ..وقدكم ترون امعبارة في اجوارنا من العربان… شعوه وقت ازور وامذبيله تلحس امقص… عروني مازلت حي ازقر لكم البلاد… شعوا بقعئ مخبوطه ..سالكم بجدي لعجم وبمولى امحيد ..توهدون من امقسام ..فقسموا رقابكم ..عرونا لما لبصر الله ورأيه فينا… طبعا اللهجة بدويه ..وانا لست بيرم التونسي الذي قال فيه طه حسين ..انا لا اخاف على اللغة الفصحئ إلا من عامية بيرم التونسي… المهم حبيت اطمئنكم ..فأنا بدوي عايز اهبب وافطفط فيما يجول به خاطري وافكاري… ويهمني ..هل قلت يهمني لا بل يسعدني أن أم الحسين تفهمني ...المهم لعجم قسم بين عياله… اعطئ قردي من امطين امشق امغربي ..واعطئ قرزي مين ذا قرزي ؟..اعطاه امشق امشرقي ...وقالهم ماذلحين اعمدوا رجال ياعيال بن بات ايري انتبهوا لأرضكم… ورعوا ماحد بايعترف بكم من القبائل معدشي حولي منكم… المهم جماعة قردي فشلوا ولاعد دروا وين يجيبون اعمارهم ..وجالسين يزعرون ويتحاردون ولاعد هم دارين ايش يبون… لاعودوا يجلبون الماء ..هل قلت يجلبون ..لا ماعودوشي يجيبون اماء ..ولايجيبون امغاز لمفوانيص حقهم البلاد ادراء ..وان شئتم غدراء… وعيالهم مشتتين في كل ارض ..قاموا وغلقوا الباقي كردونه الحاج ..قالهم ملي مايستوش… عروني في بلادي عيب عليكم انا بوكم وانا اللي جبتكم ...اتركوني اعيش واحيا فيما تبقى من العمر في بلادي… وبلادي وان جارت عليه عزيزة… واهلي وأن ضنوا علي كرام… المهم سرحوا بوهم قالوا له طر قالهم وين طير طير ببوكم .. طار بوهم وجلس بجانب مسجد ..بعدما جابوا لها مرض الضغط والقلب ..وبعد كل ثلاثه اشهر ..يسير يبدل واير لقلبه في بلاد الروم… ويرجع ينام ..وجماعتنا اصحاب قردي مبتسين ..لاقوموا دوله ولا سلموا البلاد من القبائل تتناتعها عليهم ..ضيعونا وادخلونا في مؤخرة الحمار بكسر الحاء من تحت الديل… ضاعت وفاتت السنين من اعمارنا ... وفات من عمري سنين وسنين ..شفت كثير ..وقليل عاشقين اللي يشكي لحاله واللي يبكي على مواله ...ضيعوا علينا السنين من اعمارنا… بسبب هؤلاء الخجفان والرعارع ...خمس سنين وهم مبتسين ...ولاهم دارين ايش يبون… خبطوا البلاد وخبطوا شعرها وبعرها ..لاعد درينا وين رأسها من ارجيلها… والقوارح كل يوم وكل مساء… حتى اصبحنا قوما الفت اذانهم لعلعة الرصاص ...وجابوا لنا الكآبه والمرض على مقولة الرائع صديقي ابو حازم… وتالي شردوا وعاد بهم اوجاه لأن اوجاههم مثل مؤخراتهم .. سرحوا عند بوهم قالوا وين احنا وين انته صلح لنا حل ..شعنا بانموت ماشي لقينا للبلاد حل… قالهم ماذلحين ياعيالي معد ينفع الحسوك في اسفل امعقبه ... راجعتكم عرونا لقع دوله ومارضيتوشي ..وذلحين كلنا شاردين… وقال الحميد ابن منصور .. أن كنت شارد من الموت… ماحد من الموت ناجي… ! بقلم محمد صائل مقط