- قالهالك العراف زمان موتك على ايد درويش فى اسوان -وعشان مصر يا ريس لازم تعيش كلابك قبل وصولك حبسوا كل الدراويش -شهر او شهرين ولا سنه او سنتين نبهدل الخلق عشان ساعه او ساعتين -يا ملعون .. سمعت كلام العراف اهالينا دراويش الطاف -هما مش اهل بلدك و مصريين و قبلك كانوا عايشين محترمين - هو مين اللى خلاهم دراويش القسمه والنصيب ولا التهميش -عشت حياتك وعيشتنا على الشحاته و البقشيش و اجيال ضاعت بسب البانجو والحشيش - خليت نسوانا يتكلموا على التشيش و مشتنا جنب الحيط عشان نعيش - سكتنا كتير و كتر الدراويش ولو طلبنا تقول مفيش -الدرويش نايم فى الشارع و متغطى بالهيش وانت لحافك من النعام ومن الطاوس مخده ريش -هما الدراويش يعرفوا يعنى ايه مخده ريش ولا يعنى ايه شباك بالزجاج والشيش -نسيت نفسك و ربك اللى مبيتنسيش ونسيت انه خلقك وخلق الدراويش - الدراويش .. يعنى الناس الطيبين يعنى مساكين و مش مؤذيين - بيرضوا بالقليل ولو حتة خبز وجبنة اريش حياتهم كلها فى الشارع ومبيفكروش ازاى بتعيش - يا جاهل يا اللى خفت من دراويش اسوان عرافك ما قالكش عن الثوار والميدان - اديك اتخلعت و حبسوك خلى دجالينك يخرجوك - انت واولادك محبوسين والدراويش احرار عايشين - منك لله بهدلت الطيبين و الشحاتين البلد ارتاحت منك ومن الفاسدين - و مبروك عليكم يا دراويش اسوان مبارك و اعوانه نهايتهم فى الليمان -و الظالم اللى مبيختشيش ارتاحوا منه الدراويش الظالم والدراويش بقلم خالد سعد 19 اكتوبر 2011