- وطن محمل وثمبن عايش من سنين وطن بيقولوا انه واحد وفى الحقيقه ..وطن جاحد زعماء و قاده متنعمين وشعوب مش متسامحه بس طيبين من سنين عايشين ومش متحدين على خراب الوطن متفقين شعوب بالملايين بيقولوا انهم فاهمين و فى الحفيفه متخلفين عن العالم بالاف السنين وطن مش عارف هو كان ايه زمان قبل ما يكون وطن للخرفان لغتنا واحده وفى لهجتنا مختافين و بنقول اننا عرب متحضريين وحضارتنا سبقت العالم بالاف السنين وطن بقى حلم فى اغنيه وحقيقته بعيده عن الانسانيه بنقول وطنى حبيبى الوطن الغالى خلاص بقى حب الوطن كلامات فى اغانى ابن بلدى قال وطن كله نطاعه ..رحته باءت نطاعه فى نطاعه وانا بقوله ده وطن خرفان تباعه لليهود والامريكان ضمايرهم متباعه خروف بسلطه ونفوذ ومتعال ومهيمش اموت انا وانداس بالنعال هو يعنى ايه ... وطن ...؟ يعنى اناشيد واغانى وللخرفان واسماء وعلى اراضينا شهداء ودماء ولا بيت و عيله ولمه ونقول اننا امه يعنى ايه عربى و ميعرفش النخوه والرجوله اومااال كانوا بيرضعونا اه فى الطفوله يعنى ايه عربى وفقير واراضيه كلها خير وبيقولوا عليه مسكين اومال الخير ده كله بيروح لمين ؟ ثروات ومعادن نفيسه ونفوس خسيسه على الخسه والنداله عاشوا وماتوا منهم المفضوحين ومنهم والمستورين نسينا افعالهم وتاريخهم وعشنا فى حاضر كله تاليف وفوقنا على حقيقه كلها مسخ وتزييف الخرفان خلقها الخالق عشان الاضحيه نضحى و نتصدق على الفقراء المساكين مش خرفان عايشه فى فيلات وقصور و اراضى و فى البنوك ملايين الملايين الخرفان قطيع واكليين شاربين و عايشنين متجمعين بس خرفنا عايشين متنعمين ومتفرقين هو لما الوطن بينادينا مش بنلبى النداء طب ليه فى المصايب نبقى كبش فداء هما مش علمونا ان الاضحبه حلال طب لي؟؟ه احنا خرفان عايشين فى ازلال خلاص اختلفت المعانى والحروف وعشقى للوطن خلانى اعيش خروف بس الخرفان انواع فيهم الرخيص وفبهم الغالى وفى الوطن خرفان تحت الارض وخرفان عايشه فى العالى الخرفان لها جنسيه ووطن تتربى وتعبش فيه يعنى الوطن مش بس للانسان وانا مغلطش لما قلت انه وطن الخرفان بقلم وصوت خالد سعد 01 نوفمبر 2012