راشد السحيمي سلام رده على اهل الحيل وعلوم الرياجيل والبن والهيل والعود الاصيل وملحقاته يامعتق منير وش صار بسواليف اخر الليل ماهو ضروري تشوف عناد وتسوي سواته معتق العياضي مثلك و شرواك دايم يستحق البن و الهيل يا مرحبا والعلم مرفوع ما تكسر عصاته أحيان ما ودي أعلمك في كل التفاصيل راشد لو أعلمه يمكن يغامر في حياته راشد السحيمي ياسايق الكيف عجل به لشراب الفناجيل ان كان ماعندك اللي يشرب الفنجال هاته متى ترمم بيوت قويزه اللي شالها السيل اكيد يبغى لها وقفه طويله والتفاته معتق العياضي يا الفارس اللي مضريها على نطح المقابيل ما كل فنجال مبروك و تقنعك ابركاته الظاهر إن المقاول له شهور يحط و يشيل ضحكت منكم ولكن ضحكتي ما هي شماته راشد السحيمي لو انها يالعياضي بالقناء والسيف والخيل عطيتها منحري يافقر راشد ياغناته أبداية الجيل عيت تتفق بنهاية الجيل من شاف برق العبي يرضى على خامة عباته معتق العياضي يا صاحبي ليش تزرع قدم تطلع نجمة سهيل الله يخلف على الزراع ويعوض نباته ماني براضي عنك لو إني أرضى عن سرائيل و إبليس ما مات و أنا ما أتمنى الا مماته راشد السحيمي ماكل مايزرعون الناس يجنون المحاصيل احيان كامل حصاد الزرع مايكفي زكاته ابليس ينفخك لين انك تصير اكبر من الفيل تكبر شويه شويه لين تصل مواصفاته معتق العياضي العالم الله دموعك ما تنظفها المناديل لا أحدن يلوم السحيمي لا تذكر ذكرياته كبرت بعيون حرب وحرب يصلون المواصيل وصغرت بعيون من يرمي على الحربي حصاته راشد السحيمي مانزلت دمعتي سود الليالي والغرابيل حتى على قبر ابوك اللي تزعلني وفاته ان كان تصغر بعين الخصم هذي بردة الحيل يعني عليك السلام ورحمة الله وبركاته معتق العياضي انت اعتبرها كذا وانا اعتبرها مثل ما قيل لا بارك الله برجالن يهمل واجباته وإن كان خصمي يقلل من مقامات الرياجيل ما هو مصدق ولا تحسب بعد من منجزاته