* * * * السلام عليكم ، أنا فتاة فى 14 من عمرى حبيت انسان أكبر منى بسنه والانسان جميل ومحترم بس الظروف مبتسمحش اننا نتكلم ولا نشوف بعض حتى وانا بحبه من 3 سنوات ومعرفش اذا كان هوا ببيحبنى ولا لأ؟ ودا اللى مزعلنى انى خايفة ميكونش بيحبنى واللى مزعلنى اكتر اننا مش بنتكلم ولا بشوفه ولا أى حاجة يعنى بعيدين كل البعد عن بعض أو بعيد كل البعد عنى وآخر مرة كلمنى فيها كانت من سنة تقريبًا وكانت أول مرة يكلمنى فيها... أنا تاعبنى الموضوع دا ونفسى الاقى حل نفسى انساه بجد لان هو بعيد عنى احساس صعب لما تحب حد وهوا بعيد كل البعد عنك حتى ميعرفش انتا عايش ولا لا؟ ميعرفش غير اسمك ... سعات بحس انه معجب بيا بس برجع واقول لنفسى دى أوهام، أنا عارفة ان سنى دا بيكون فيه اعجاب مش حب بس صدقونى أنا بحبه بجد وخدت فترة كبيرة عندى اكتئاب بسبب كدا وكل يوم أنام معيطة أنا بجد متعلقة بيه وبحبه ومش قادرة أنساه وكل لما أشوف صحابه حواليه او عيلته بقول يا بختهم بيه أنا بجد تعبت نفسى اشوفه وأكلمه ولو لمرة واحدة بس أو انساه عشان معذبش نفسى وانابدعى ربنا كتير انى أكلمه أو أشوفه عشان أنا تعبت أنا عرفته فى المدرسة وهوا دلوقتى حول لمدرسة جديدة صديقتنا العزيزة الحب شعور رائع يحي القلب، فالقلب بدون الحب قلب ميت بلا روح، الحب أمر طبيعى جدًا ومطلوب أيضًا حتى تعيشى حياتك بالطريقة السليمة من الجانب النفسى؛ من الجيد إنك مدركة أن هذه المرحلة بالنسبة لعمرك هى مرحلة المراهقة؛ ومن أهم ما يميز هذه المرحله التقلب فى المشاعر والرغبه فى اكتشاف والتعرف على الجنس الآخر وبناء الكثير من العلاقات مع الجنس الآخر. لكن من أهم الأشياء لا تجعلى هذه الفترة تؤثر على مسار حياتك أبدًا . للأسف انت تحبين حب صامت فمن المؤكد أن الشاب الذى تحبينه ليس لدية فكره عن مدى حبك له وهذا أصعب ما فى الأمر...أنت أحبيتى هذا الشاب 3 أعوام كاملة دون أن يعرف شئ عن هذا الحب واستمريتى فى تعذيب نفسك بدون فائدة...نصيحتى لك يا أختى الحبيبة ألا تعذبى روحك الرقيقة وأن تعيشى الحياه التى تستحقيها مع أصحابك وأهلك وأن تقبلى على الحياة بقلب مشرق وسعيد. اشغلى نفسك بالاشياء المفيده وتعرفى على أشخاص جديدة واهتمى بنفسك جيدًا. اشغلى يومك بالكثير من الأشياء، اخرجى أنت وزميلاتك إلى أماكن جديدة،ولا تفكرى فى الماضى حتى تتجاوزى هذه المرحلة. مواضيع متعلقة بص وطل