* * * * دلوقتي أنا بحب انسانة وفيه ما بينا قصة حب مختلفة عن أي اتنين.. ربنا أراد أن يتولد بينا حب محدش ف الدنيا حبه، لأنه مش حب مراهقين ده حب احترام وتقدير واختيار كل المشاعر الجميلة اللى ف الدنيا ، وعشنا أحلى الأوقات مع بعض وعديت علينا أصعب أوقات واستحملناها مع بعض، ويوم من يوم ارتباطنا بيقرب، وعشان مكتبش كتير ممكن للى بيقرا دلوقتي يتخيل اجمل لحظات الحب اللى ممكن تتعاش وأكدلوا أنها حصلت ما بينا طبعا مع حدود الأدب ، لكن فجأة ومن كام يوم صحيت من نومها لقت نفسها زي ما بتقول مش حاسه نحيتي بأى حاجة ، هي فاكرة كل اللى فات بس هي كأنها واحده تانية مش حاسة بحاجة، وأنا عمر قلبي ما حس بيها غلط ولسه متأكد انها من جواها بتحبني ولكن هي بتحاول تفهمنى اني بالنسبة لها عادي . هي بتكلمني وبترد عليا أما بتصل لكن المعاملة جافة جدًا ، ده غير إني لو أقولها على حاجة تخلي بالها من نفسها فيها ممكن تعمل عكسها عشان توصلي ان أنا عادي بالنسبة لها . هو ده منطقي ؟ أنا حاسس إني بنهار من غيرها؛ لأنها كل حياتي والوحيدة اللى قلبي دقلها. ولا عارف أكل ولا أشرب وتعبت ودخلت مستشفى وحالتي الصحية بتنهار تقريبًا بمعدلات سريعة ومعظم الدكاترة بتقولي اللى انت فيه ده نفسي...للعلم احنا أعمارنا مش صغيره إحنا 25 صديقنا العزيز أنت سألتني هل هذا شيء منطقي؟ أقول لك أن هذا شيء غير منطقي بالمرة ، وهناك نموذجان للإجابة على سؤالك إما إنها كانت تخدعك طوال هذه الفترة وفي هذه الحالة لا تستحق دمعة واحدة من عينك ، أنصحك أن تدوس على قلبك وترميها ورا ظهرك إما أن يكون عليها ضغط كبير من أحد ما أو تخاف عليك من شيء ما وهذا ما يدعوها إلى فعل هذا الأمر، وفي هذه الحالة أنصحك بأن تدافع عن حبك بكل ما أتاك الله من قوة، ولا تتنازل عنه مهما حدث، فالحب أجمل شيء في الوجود . وهي الوحيدة التي تستطيع الأجابة ، فلا تتنازل عن معرفة السبب وأدعوا الله أن يهيأ لك الخير حيث كان ، وأتمنى أن توالينا بأي جديد. مواضيع متعلقة بص وطل