* * * * السلام عليكم ورحمة الله وبركاته أنا مخطوبة بقالى شهر وخطيبى اقل منى فى التعليم والمستوى المادى بس وعدنى انه هيكمل فى الجامعة المفتوحة وهو راجل اووى وطيب وحنين المهم انا ماليش اخوات ولاد وبابا متوفى وخايفة من مرحلة الخطوبة والجواز خصوصا انه بيت عيلة ودايما بكلمه وببقى محتاجة اطمن منه والله معاملتى مع والدته كويسة جدا حتى كان خرجنى انا واختى وقال لماما تيجى معانا روحت اصريت مامته تيجى معانا وروحنا جبناها انا وهو وانا عندهم قلتله عاوزة اشرب مايا فراحت طنط بتقوله جت الى تعملنا فاانا استغربت ووشى بان عليه وفضل يلح مالك وروحت قلتله طنط تقصد ايه قالى مافيش بتهزر وليه ماسكة فى كلمة مش شايفة هى فرحانة بيكى ازاى وخرجنا وروحنا وجينا تانى مخنوق وسبينى وتالت يوم قلتله راحة اكشف لانى تعبانة ونباضات قلبى بقت سريعة اووى وعملت رسم قلب تحليل والحمد لله كويسة بس انميا خفيفة واضرابات نتيجة حالة نفسية فبقوله لو لقدر الله كان فيا حاجة هتعمل ايه راح قالى لو عندك بقى الى عاوزة ربنا انا ماعرفش وبعدين لو عندك مشاكل فى قلب انتى الى هتيجى تقولى لا وبعدين ماينفعش تجوزى ولا تخلفى سكت وحكيت لماما قالتلى ماككنتيش افترضتى وفعلا روحت اكلمه واهدى الموضوع لقيته دخل فى ناحية تانية انتى هتعملى مشاكل مع اهلى وخفتى من كلمة جت الى تعملنا وطلاما خايفة كده خليكى فى بيت مامتك وانا حكيت لمامتى قلتله ازاى انت هتشيلها منى قبل مااجى وطلبت اعرف رد فعلها قالى لما نكلم بعدين وسبنى اكلم ومايردش كنا بنكلم على الفيس ووباين انه شاف كلامى روحت دخلت اوضة وقفلت الباب واتصلت بطنط وقولتلها حضرتك زعلانة منى قالتلى لا انتى حبيبتى فى حاجةولا ايه قلتلها اصل هو بيقول ان حضرتك زعلانة لكن طبعا ماجبتلهاش سيرة خالص قلتلها هو اتغير معايا اوى قالتلى طب انا هبقى اقعد اكلم معاه واشوفه وطلع انه كان بيكدب عليالانه مقلهاش حاجة وطبعا حكيت لماما لان حسيت موضوع كبر وقلتلها وكأنك ماتعرفيش حاجة بس قالتلى انتى مش غلطى وماتكلميهوش سبى كده والنهاردة عارف ان راحة اجيب تحليل دم وماهنش عليه يتصل بيا وقاعد على الفيس وشايفنى فاتحة ومش هان عليه يكلمنى المهم انا اصلا كنت بصلى قضاء حاجة وكانت الامور بتظبط انما الايام دى بقيت بصلى صلاة استخارة وبيبانلى حاجات غريبة انا قوية بربنا ولو لقدر الله فسخنا الخطوبة مش هزعل لكن خايفة من مواجهة الناس ونظرتهم ليا اوووى قولولى اعمل ايه بالله عليكوا واسفة انى طولت عليكم وربنا يسعدكم ويجزيكم خيرا صديقتنا العزيزة .بداية أحب أن أوضح نقطة في غاية الأهمية وهو الفارق التعليمي والمادي، بالطبع يستحسن أن يكون هناك تقارب بينكما على جميع المستويات، لأن هذا الأمر إذا لم يكن الطرفين مرتضين بهذا الأمر سيخلق مشاكل كثيرة بعد ذلك، وتحسين حينها دائمًا بعدم التكافؤ .أما إذا إرتضيتي هذا الأمر، فلابد أن تنزعي من تفكيرك أي هاجس بعد ذلك يخص هذا الأمر، إذا كان الشخص متفهم للأمر جيدًا وعنده طموح، إن شاء سيكون نعم الزوج ، وأنت تقولين عنه إنه راجل وطيب وحنين وهذا ما تبحث عنه كل إمرأة، راجل تعتمد عليه وتحتمي فيه من الزمن، وحب وطيبة وإحترام .أما عن والدته فهذا اليوم الذي تتمناه كل أم ، أن تشعر أن ابنها سوف يتزوج وتأتي زوجته تملئ عليها البيت ويكون لها عزوة، فدعي الأيام توضح لك الرؤية، ودائمًا التزمي معها بالبر والحنان والاحترام ستجدي منها كل خير، وخاصة عندما ترى ابنها سعيد معك .أما نصيحتي لك أختي العزيزة، لا تقفي عند كل الأمور ولا تفرضي أشياء من الخيال وتبني عليها مخاوف وشكوك فهذا أمر متعب جدًا .حاولي من خلال المواقف إستكشاف شخصيته بطريقة غير مباشرة .أجعلي أي مشكلة في حياتك، تكون مشكلة وقتية وعابرة، تنتهي بانتهاء الموقف، حتى لا تصنعي حاجزًا يصعب إزالته بعد ذلك .رسخي بعد القواعد التي تضمن لك حياة هادئة مستقرة، خاصةً وأنت ستعيشين في بيت عيله، ولكن عليك مراعاة الأمر جيدًا فهذا الأمر حساس بالنسبة له، وليكن الحديث عن المستقبل وشكل الحياة " فالحب والمودة والتخطيط الجيد، هم الأساس الصلب الذي يبنى عليه بيت سعيد ، فبقول الله تبارك وتعالى " وَمِنْ آيَاته أَنْ خَلَقَ لَكُمْ مِنْ أَنْفُسكُمْ أَزْوَاجًا لِتَسْكُنُوا إِلَيْهَا وَجَعَلَ بَيْنكُمْ مَوَدَّة وَرَحْمَة مواضيع متعلقة بص وطل
