* * * * أنا عندى وحدة قربتى زمان اتجوزت غصب عنها بالاكراة والضرب من ابوها ومحدش كان بيقدر يقف قدامة وعاشت طول فترة 4 سنين تعانى انجبت طفلين انا كنت بحبها زمان بس قبل متجوز بس محدش يعرف وبعد متجوزت احتفت وكنت بعرف اخبارها من الاهل وفى مرة ولما جتلها الفرصة تنفصل كلمتنى كصديق واخ ومحامى وقفت معاها بالكلام والتشجيع وانى اسمع مشكلتها وحبتها وفى الوقت دا كانت عند امها لان ابوها متجوز على امها وعايش حياتة قلتلها انى بحبها وان عارف ان دا مش حقى دلوقتى هى حاولت بكل الطرق تنفصل عشان هى كمان حسة انها بتحبنى رحت وهى راحة لحد قربها كبير فى السن نشورة فى الموضوع دا قلنا متتكلموش لحد ما ربنا يريد وتنفصل كل اهلها واهلى عارفين ان جوازتها مش هدوم لانها من اول يوم اتجوزت وهى بتحاول تطلق لان اللى اتجوزها كان متجوز وحدة وانفصل منها وهو رجعها لانة بيحبها امها وخالتها وكل الناس عارفة انها هتطلق وكانت عايشة حياة اعوذ باللة هى متدينة وكانت بتتعامل بما يرضى الله دلوقتى هى انفصلت واهلى رافضين الموضوع مع انها قربتنا وسنها صغير انا بقولهم ان لما العشرة تستحيل بين اتنين وهو اختار يرجع مراتة الاولى ومش معبرها حقها انها تنفصل هما معتقدين انها بتضحك عليا وان انا اللى حرضتها على الطلاق مع العلم ان ساعة مكلمتنى كانت بتستشرنى فى الطلاق اللى بتحاول فية من زمان وكل اللى حوليها حتى قرايب جوزها كان بيقلولها اطلقى ربنا هيعوضك دا بى ادم ميستهلش كان بيشتمها ويضربها ومعندوش رجولة ويكرشها نص الليل وهى حامل برا البيت العشرة استحالت وشافت نصبها افضل معايا وهو رجع مراتة قلت لاهلى على الموضوع قبل متنفصل فكروا انها بتضحك عليا وانها مش كويسة مع انهم عارفين انها كويسة ولما انفصلت محدش عرف افتح الموضوع ازاى ولا اقنعهم ازاى انا اتفقت معاها ان لو اتجوزنا مش هجبها البلد عندى فى الاول الا اما الامور تستقر عشان اهلى واهلها لاننا ممكن نتجوز بدون موافقة لان ربنا ادلنا الحرية فى الجواز والاختيار طالما مش حرام والاهل عليهم النصح والارشاد مش التمسك والاجبار اعمل اية صديقنا العزيز أنت صاحب القرار النهائى فى هذا الأمر وكما كتبت فى رسالتك أن واجب الأسره هى الإرشاد والنصيحة لأبنائهم؛ لأنهم مروا بتجارب كثيره فى الحياه وعاشوا الواقع ،أما نحن الأبناء نفكر دائمًا بسطحية أولاً لعدم وجود الخبره الكافية وثانياً: لأننا داخل الموضوع والموقف ولا نستطيع أن نرى الصورة واضحة ونفكر دائما بسطحية كبيرة ... أخى الكريم عليك قبل اتخاذ القرار أن تفهم وتستعد لمواجهه المجتمع بزوجتك ، أنت تعرف المجتمع الذى نحيا فيه ونظرته للمرأه المطلقة خاصا انك تدخلت فى البدايه فى أمر الانفصال. هل لديك الاستعداد لتتحمل نظره المجتمع لك ولها فيما بعد ؟ هل بعد فتره من الزواج لن تقارن بين زوجتك وبين الفتيات الاخريات التى لم يسبق لهن الزواج من قبل ؟ هل تستطيع ان تضحى بشعور كل رجل انه على يقين بانه اول رجل فى حياه زوجته.. وتتعايش مع هذا ؟ هل ستستطيع أن تحمى زوجتك من عائلتك وتتعامل مع رفضهم لزواجك وانها فى نظرهم قامت بأستغلالك لتتخلص من زوجها وتجد لنفسها زوج اخر ؟ لو أنت على يقين من انك تستطيع ان تفعل ذلك فتوكل على الله ولا تتخلى عن حبك ولعل الله يعوضها فيك خيرا في ما عانت من زواجها السابق وتكون انت بالنسبه لها عوضا من الله عز وجل ، أما لو كنت متردد فى الامر فلا تقبل على هذه الخطوة حتى لا تخسر اهلك ولا تضعها فى موقف محرج. مواضيع متعلقة بص وطل
