* * * * السلام عليكم، أنا واحده حظى وحش أوى او انا بختار غلط مش عارفه ، انا كل ماحب واحد يطلع مش كويس مش هنتكلم على زمان فى واحد اتقدملى وجالى عن طريق البيت وانا بصراحه اتعلقت بيه اوى وحبيته اوى وحصل مشاكل كتير ودلوقتى لا اهلى ولا اهلوا موافقين النهارده بالصدفه كنت قاعده فى الكليه بتكلم عليه لقيت واحده تعرفه واتكلمت عليه وحش وقالتيلى على صحابه وانها كانت بتكلم واحد صاحبه اوى وانا كلمته وسالته عليه قالى ايوه انه صاحبه وصاحبه اوى وهى قالتيلى انه مش عملها حاجه بس قالت ان هى بعدت عنهم وهى مش حاباهم وانهم مش كويسين بس هى مش قالتها كده صريحه بس معنى كلامها كده انا خايفه اوى اوى حاسه ان زى كل مره هيطلع اختيارى غلط ودلوقتى اهلى كلهم يقولولى ابعد عنه احنا مش شوفنا حاجه منه وحشه بس فى مشاكل ، بكره يجيلك اللى احسن منه انا بصراحه مكنتش متررده خالص من ناحيته بس لما البنت دى قالت كده انا خفت خايفه اتعب تانى واتجرح تانى مش هقدر استحمل صدمه تانيه انا اصدمت مره قبل كده وتعبت اوى وجالى مرض نفسى انا ايوه بقيت اقوى من الاول بس مش عارفه هقر استحمل ولا ايه خايفه اوى خايفه من نفسى وخايفه على نفسى وخايفه منه انه يطلع فعلا مش كويس بس كل حاجه بيعملها انه كويس انا حاسه ان هيحصلى حاجه اصدق مين بس البنت دى كانت بتكلم صاحبه من 5 او 6 سنين يمكن كان كده وبقا كويس هو قالى انه كان مش كويس هو اللى قايلى وقالى انه بقا كويس مع العلم ان اهلى ناس محترمه اوى وباباه كان شيخ وهو محترم مش عارفه يمكن بقا كويس مفيش حاجه بيعملها تبين انه وحش حصل مشاكل بعدين جوز اختى قالى عايز يقابله قالى ماشى كويس ان فى حد عايز يتكلم معايا ويحل المشكله انا اعمل ايه مش عارفه اصدقها ولا اصدقه ولا اخلى الايام هى اللى تثبت مين الكويس بس انا بردو خايفه افضل معاه ويطلع مش كويس اعمل ايه؟ صديقتنا العزيزة .من الواضح إنك شخصية هوائية، عايزة تحبي وتتحبي ، ولا تجيدي التفكير والتخطيط الجيد لحياتك .أختي الحبيبة، الحب أجمل إحساس في الدنيا، بس ممكن يسعد صاحبه، وممكن يبقى سر عذابه ،" يسعد صاحبه، عندما يحكم عقله مع قلبه ويضع بعض الأسس والمعايير الهامة عند اختيار الشخص الذي سيشاركة حياته، فيقول الرسول صلى الله عليه وسلم" إذا جاءكم من ترضون دينه وخلقه فزوجوه .إذًا الأساس يكون الدين والخلق فهما الضمان الوحيد لك، فيقول الحسن البصري " زوج بنتك لتقي، إن أحبها أكرمها وإن كرهها لم يظلمها" وتأتي بعد ذلك رحلة البحث عن المشاعر الرقيقة العفيفة، التي تدعم الحياة وترسخها وتقويها .أما الحب الذي يشقي صاحبه ، فهو الحب الأهوج الهوائي، وهذا يكون وقتي وعابر ، يسقط مع أول رياح تعصف به، وأظن أنك ذقتي تلك المرارة من جراء هذا الحب الأهوج .بالنسبة للشخص الحالي، أظن أنه ليس هو الشخص الذي يبني معك تلك الحياة التي تحدثنا عنها، فيقول الرسول صلى الله عليه وسلم" المرء على دين خليله فلينظر أحدكم من يُخَالِل" وهو لم ينكر صلته القويه بهذا الصاحب ، بجانب هذا أن أهلك معترضين عليه .فيا صديقتي أطوي صفحات الماضي من حياتك وابدأي من جديد حياة صحيحة تعتمد على التفكير والتخطيط الجيد والاختيار الصحيح، حتى لا تضيعي أحلى سنوات عمرك مواضيع متعلقة بص وطل
