السلام عليكم ورحمه الله انا مشكلتي غريبه شويه انا والدتي متوفيه من سنه وليا اخت رايحه اولى ثانوي واخ رايح تانيه ثانوي وليا اخت اكبر مني بسنه وبتشتغل دلوقتي بعد ماوالدتي اتوفت الله يرحمها الحياه اتغيرت تماما انا واختي الكبيره شايلين مسؤليه البيت كامله من الالف للياء والدي عنده 65 سنه ربنا يخليه ويديم عليه الصحه دلوقتي انا في اخر سنه من الكليه وقربت اخلص ان شاء الله وبدا يتقدملي ناس كتير ومنهم ناس كويسه وبدات احس بالضغط النفسي الرهيب حاسه اني ماينفعش ارتبط بحد قابل مااخواتي يخلصو ثانويه عامه خاصه اني بالذات والدتي الله يرحمها كذا مره وصتني قبل ماتموت اخواتك انتي مسؤله عنهم حتى اختك الكبيره لاني كنت اقرب واحده ليها واكتر واحده كنت بشيل المسؤليه والمشكله التانيه ان اختي مش بيتقدملها كتير واغلبهم جواز بالترشيح (صالونات) وانا كل الي اتقدمولي ياءما شافني في مكان ما وانا عارفه كويس اوي انها نفسها حد يتقدملها بالطريقه ان شافها واعجب بيها ,والدي كمان كان بيحاول يخبي عني موضوع العرسان الكتير وللاسف كنت بعرف من بره وبقع في مواقف محرجه لكن مش دي المشكله يعني حتى هو مش موافق ارتبط دلوقتي ؟مش عارفه عشان اختي ماجرحهاش ولا عشان ماسيبش اخواتي قبل ميخلصو ثانويه عامه بصرااحه انا في حد عاوز يتقدملي ومعايا في الكليه وبدات افكر فيه وخايفه اتعلق بيه واتعذب مع اني مش عاوزه اظلم اخواتي ابدااا معايا ولا اظلم اختي الكبيره وبدعي ان اختي ربنا يجبر بخاطرها وتتخطب قبلي دعواتكم وفي نفس الوقت الي حواليا بالذات اصحابي بيطغطو علينا اني اوفق على الشخص الاخير لانه حد كويس جداا لكن انا مقدرش اشرحلهم كل الاسباب فده بيحطني في ضغط نفسي رهيب خاصه واني داخله على امتحانات وانا مش عاوزه اظلم حد معايا ولا اظلم اخواتي ونفسي يبقو كويسن زي ما امي كانت بتتمنى الله يرحمها لكن انا خايفه اتعذب وانا اصلا بتعلق بسرعه وكل ماحد يتقدملي المواجع بتتقلب عليا ووبفتكر دايما اني مش هقدر اختار وهرجح كفه اخواتي وافتكر اختي وهي قلبها مكسور حتى لو كان الانسان المناسب صديقتى العزيزة احيي فيك شعورك الطبيب تجاه اخواتك وحرصك الشديد على مشاعرهم وبالأخص اختك الكبيرة ... بما انك مازلت فى السنه الاخيره من دراستك الجامعيه وهو كذلك فهذا الشخص حاليا غير مستعد للارتباط وامامه فتره ليبنى نفسة ويبحث عن عمل مناسب كذلك وكما ذكرتى فى رسالتك ان والدك يرفض اى ارتباط لك فى الوقت الحالى ... إذا كان هذا الشاب من وجهه نظرك شخص مناسب ويرغب فى الارتباط بك من الطبيعى ان ينتظر حتى تنتهوا من الدراسة الجامعيه تماماً ... ولا مشكله فى ان ينتظرك قليلا حتى تأتى الفرصه المناسبه لكى وله للأرتباط كما اننى على يقين بأن رفض والدك الان لأرتباطك رفض مبرر لهدف ما لصالحك وصالح اسرتك اكيد لو كان هناك شخص من وجهه نظره مناسب لن يتردد ابداً فى الامر اختى الحبيبة ... لا تشعرى بالذنب تجاه اخواتك وان شاء الله سوف يرزق اختك بالزوج الصالح قريبا الزواج يا اختى الحبيبه قدر لا يعلمه إلا الله ... لا احد يعلم متى سيحدث وكيف وبمن سيحدث هذا الامر ولكن هذا الامر فى علم الله وحده عليكى الان ان تنتبهى لأمتحاناتك وادعى الله دائما ان يقدر لك الخير ويصرف عنك السوء ان شاء الله بص وطل