السلام عليكم..احب اشكركم على الموقع انا بستفيد منه كتيير و هو المفضل بالنسبه لى .. انا بنت عندى 30 سنه الحمد لله جميله و تعليم عالى و كل الناس بتشكر فى اخلاقى و الحمد لله على هذه النعم..اتجوزت من سنه و شهرين .زوجى كان فى ايام الخطوبه متدين و بيصلى و يعرف ربنا و اول ما يجى عندنا البيت يصلى الفرض بفرضه و كان بيحبنى قوى كنا نعرف بعض لمده سنتين و اتخطبنا سنه و نصف و اتجوزنا وللاسف خلال الفتره دى كلها معرفتهوش يمكن لانه كان من محافظه و انا من محافظه تانيه و مكانش بيجيلى غير كل شهر او شهرين مره بس كنا بنتكلم فى التليفون.و سكنت فى محافظته بعد الزواج.. بعد الجواز اصبح شخص مختلف تماما .مش بيصلى خالص و لما يلاقينى مشغله قرءان فى الراديو مثلا فى البيت يطفيه بحجه ان مافيش حد منصت له..كان بيكدب عليا فى حجات كتير قبل الجواز زى مرتبه و حجات فى شخصيته .يشتغل يوم و اسبوع او اكتر لا. نايم طول النهار و سهران طول الليل حتى الصباح لوحده سعات مش باشوفه.كل حياته عباره عن كوره.يا بيلعب كوره او بيتفرج على ماتشات حتى لو كانت متعاده الف مره او يخرج مع اصدقائه مش بيرجع غير 2 او 3 بليل و سعات 4 او قاعد على الايباد مش بيرفع وجهه حتى.يدخل الحمام ساعه و نصف ساعتين.لا يفعل اى شئ فى البيت نهائيا نهائيا.. يجلس على الكنبه امام التلفاز بال10 ساعات مش بيتحرك غير علشان يدخل الحمام .انا بقوم بكل شئ حتى لو كان دوره .حتى لما بكون تعبانه مش بيساعدنى.العلاقه الزوجيه تكاد تكون منعدمه و سعات بتحايل عليه و اكون مهيئه الاجواء و يقولى تعبان مش قادر حتى اننى لم انجب حتى الان .الدكتور قالى حاولى تضعيله منشط فى اى مشروب .بدات اعمل كده و هو لا حياه لمن تنادى ياخدها و ينام .و اهلى و اهله فاكرين ان العيب من عندى و كل يوم و التانى عند دكتور و يقولهم هى زى الفل و عملت كل التحاليل المطلوبه و الحمد لله كله تمام مع العلم هو عنده 29 سنه.مش بطلب منه اى حاجه من اى نوع حتى لو كنت محتجاها قوى اقول مش مهم. حتى الخروج مش باخرج خالص و لا هديه من ساعه ما اتجوزنا حتى لو كانت رمزيه فى اى مناسبه و انا علطول باجيبله هدايا غاليه.بعامل اهله احسن معامله و علطوول بودهم.اتكلمت معاه كتييييييير جدا علطول بارد و مش فى دماغه اى شئ..انا بشتغل علشان اصرف على البيت لان مرتبه هو من ربع الشهر بيخلص و مش بيحاول حتى يشوف مصدر تانى مع انه فاضى علطول و كان قبل الزواج واعدنى بكورسات ياخدها علشان يحسن مستواه فى الشغل و الدخل يتحسن كانت وهميه ايضا.هو مراجع حسابات .علطول معتمد على والده و والدته يستلف منهم او لو انا تعبانه يروح يتغدى عندهم و انا مش مهم .و كل حاجه بالخناق و علطول زعلانين و انا تعبت عليا ضغط جامد و شايله كله لوحدى و يا ريت عاجبه كمان المعامله وحشه جدا .عايزه حل ارجوكم ساعدونى انا بعيده عن اهلى و هو رافض ان اى حد يتكلم معاه لانه عنييد جدا و لم يستمع لاحد. انا فكرت كتييير فى الطلاق بس برجع اديله فرصه و ادى لنفسى فرصه بس هو سلبى جدا و مش فارق معاه حاجه ابدا .اعمل ايه صديقتنا العزيزة الشكر لك يا صديقتنا الغالية، وندعوا الله أن يجعل هذا العمل خالصًا لوجهه الكريم. أما بعد، أنت تحدثت عن عيوب كثيرة جدًا لو اجتمعت تلك العيوب في شخص كانت كفيلة أن تحول الحياة إلى جحيم،وبالفعل هذا ما حدث معك، فأنت لا تجدي ما يهون عليكِ هذه العشرة، فأصبحتث تفتقدين جو الحياة الزوجية حتى في العلاقة الزوجية، وهذا شيء لا يطيقه بشر. لقد قرأت رسالتك مرات ومرات لأجد ما يدعوني لأقول لك حاولِ ولا تيأسي وحافظي على بيتك وزوجك، وللأسف لم أجد ما يدفعني لهذا، ووجدت نفسي أمام حلاً واحدًا وعندما تأملت في رحمة الله بك في ظل هذا البلاء، وجدت أنه ربما أراد الله لكِ الخير بعدم رزقك بأولاد من هذا الشخص، فمثل هذه الشخصيات الاتكالية التي تعيش بدون هدف لا تغيرون وللأسف يكون السبب الرئيسي في نشأتهم بهذا الشكل هو التربية الخاطئة التي تولد شخص لا يتحمل المسؤلية ويعيش لنفسه فقط، بجانب عدم وجود الوازع الديني والالتزام لديه. أعتقد يا صديقتي أن ما عليكِ فعله أن تنفصلي عن هذا الشخص ولا تسعي وراء الإنجاب منه، أعرف أنه ربما يكون هدفك بأنه قد ينصلح حاله بوجود طفل، ولكني أقول لكِ ماذا تنتظري من شخص ليست له علاقه بخالقه ويعيش لنفسه فقط، هل تظنين أن وجود طفل في حياته سوف يغير منه، ربما ليس هذا ببعيد على الله، ولكن من تجربتنا في هذا الباب وأيضًا في حياتنا لم يحدث هذا إلا نادرًا ، فمن يعيش لنفسه لا ينظر للآخرين، وتكونين عندها قد ربطتِ نفسك به مدى الحياة من أجل هذا الطفل البريء وحينها ستكونين أخطأتي في حق نقسك وطفلك. وأخيرًا استخيري الله وأسأليه أن يُقدر لك الخير، وأحب أن أذكرك بقول ابن القيم (لو كشف الله الغطاء لعبده وأظهر له كيف يدبر الله له أموره..وكيف أن الله أكثر حرصا على مصلحة العبد من العبد نفسه وأنه أرحم به من أمه.. لذاب قلب العبد محبة لله ولتقطع قلبه شكرا لله)، فلا تحزني واطوي هذه الصفحة من حياتك واستعيني بالله يبدلك خيرًا منه إن شاء الله. السابق: خايفه أجرحها !! بص وطل