ممكن تقدّمي فطائر الجبنة على الفطار أو العشاء المعجنات من الأكلات اللي ممكن تلاقي كل أفراد الأسرة مقبلين عليها سواء كانوا كبار أو صغيرين، والميزة فيها إنك ممكن تعملي منها كمية وتستخدميها مع الفطار أو العشاء أو حتى كطبق جانبي مع الغداء.. فطائر بالجبنة والزيتون المقادير: 2 كوب دقيق 2 كوب مكعبات زبدة كوب زيتون أسود مقطّع شرائح 11⁄2 ملعقة صغيرة بيكينج صودا 1⁄2 كوب جبنة رومي مبشورة 2 ملعقة صغيرة بيكينج بودر كوب جبنة شيدر مبشور 2 ملعقة كبيرة سكر ملعقة صغيرة زعتر ملعقة صغيرة ملح ملعقة كبيرة خل 11⁄2 كوب لبن بيضة مخفوقة الطريقة: 1- اخلطي الدقيق مع البيكينج بودر والبيكينج صودا والملح والزعتر والسكر كويس أوي، وبعد كده افركي الخليط ده مع الزبدة بسرعة لحد ما تبقى العجينة مرمّلة، المهم ماتخليش الزبدة تسيح، بعد كده حطّي العجينة في كيس بلاستيك وحطيها في الثلاجة لمدة ساعتين. 2- خرّجي العجينة من الثلاجة واعجنيها بالجبنة المبشورة والزيتون واللبن والخل، بعد كده افردي العجينة بالنشابة وقطّعيها على شكل دوائر. 3- رصّي قطع العجين في صاج فرن وادهنيها بالبيض ودخّليها الفرن لمدة 20 دقيقة، أو لغاية ما تستوي وبعدين طلّعيها وحطّيها في طبق التقديم.. وبالهنا والشفا. خلصت وصفتنا النهارده.. استنونا كل يوم مع وصفات أكل جديدة.. سلام،،،