سمعْتُه ، قال بوامجد ، صفيره بغانا سايره في ذي التلاحين ونا عارف بما يخفي ضميره من النيات عا كسر الفناجين يعكمهن معاشر في الظهيره ولا يدري بهن لما يكسرين بغانا قول له : يالله بخيره واصبر عالوقل في داخل العين * * * * * سمع يا صاحبي شفها عسيره تمنّات الفتن لما يزفنين ولا شي فايده من (با خبيره) شبعنا لحي منّه في الميادين بغاناخاف من (درع الجزيره) صبِح مرعوب عايدِّ الميامين يفلِّخ في العرب يبغى نصيره على شعبه وعينه ع الميازين بغى يحكم وهو يدُّه قصيره ولا يعرف يرقّصها الثعابين نهب أموالنا ذيك الكثيره وعاده قال هاتوها الملايين * * * * وفي الساحات يرقص (باثويره) ولا مرّه سأل نفسه إلى وين وشفها يبن باسنبل خطيره وخذ لك درس من مطراق(حنّين) ولا شي فايده منها الكبيره وقدها شارقه ما بين قرنين وخل اللي يطبل في الهجيره وإن ضيّع ضماره قال يهوين أنا خايف تجي وحده خطيره وتمطر دم على ذولا المساكين مساء 25/3/2015م * مهداة لصديقي الشاعر / حسين عبد الرحمن باسنبل