الخميس 19 سبتمبر 2013 12:33 مساءً عدن (عدن الغد)خاص: تلقى بريد صحيفة "عدن الغد" مشاركة من احد القراء لم يذكر فيها اسمه وتضمنت مساجلة شعرية متخيلة بين عدد من القيادات الجنوبية والشمالية والمبعوث الدولي لليمن "جمال بن عمر" . تنشر "عدن الغد" هذه المساجلة الشعرية لجمال ابياتها وتؤكد أنها متخيلة وليست واقعية . 1- جمال بن عمر أنا سلامي كل واحد له قسم - وانتو سلامي بالقيادات الكبار اليوم جينا القاهرة من شانكم - جينا لبا رؤية وانأ في الانتظار 2- حيدر العطاس أهلا وسهلاً وارحبوا في القاهرة- القاهرة ذي ما تعوّل عل الحصار يا بن عمر خصّوا لنا وش جابكم - وش قال لك صادق مع مولى ذمار 3- علي ناصر محمد يا بن عمر لاشي يغوّش خاطرك- أرحب على ما جيت له إلا الحوار حوار صنعاء لأهل صنعاء وحدهم- ماصحابنا قالوا يبوا حسب القرار لاانتو تبونا لتفق با لتفق - حتى في الصومال ولا قندهار 4- علي سالم البيض من با يحاور والتجارب عندنا - عند آل لحمر ما سوى جحر الحمار قد كم معانا أمس لمّا وقّعوا - وثيقة العهد أبدلوها با لدمار ما وحدة الشطرين انا حققتها- ضحيت بأصحابي وحققت الشعار سويت حفله في وسط صنعاءاليمن - نهار زبطّت البراميل انتحار 5- صادق الأحمر ما وحدة الشطرين حققها علي- وأبوي عبدا لله لنا به لافتخار ما انتو قد اسلمتوا على يداتنا- يا البيض خل الكذب خليك الهدار 6- علي سالم البيض ابوك عبدا لله عسى الله يرحمه -شيخ الجنابي والبنادق والشفار ما العلم والتاريخ قد له غيركم - اكبر مكاسب عندكم فتنه وثار ون شي براسك حب عاده ما نطحن - با نطحنه يالشيخ صادق بالعيار 7- علي عبدالله صالح يا البيض لا صادق غلط باحكّمك - باجيك باحكّم معي عشره ثوار الشيخ صادق يا علي سالم لعب- من بعد ما سرتوا لهف كل الضمار 8- علي سالم البيض لا عاد ابا حكمك ولا با حكّمك- ياذي طحنت ابين ودقيتوا جعار تتضاربون الفجر قدام البشر- والليل يجمعكم قفا ضرب النهار 9- علي عبدالله صالح خافوا من الله مادريتوا وش حصل- في مسجد النهدين اكبر انفجار وانتو تقولوا مسرحيه ما جرى- ما عاد بعد الانفجار إلا النبار 10- جمال بن عمر يا البيض ضيّعت الزوامل كلها- لا تخرجونا من على خط المسار جينا نحاوركم ونوخذ رأيكم- من با يحاور لا بدينا في الحوار قضيّة أبناء الجنوب الشائكة- لا ما لقينا حلها حط الدمار 11- علي ناصر محمد الحل عند الله وعندك حلها - ارفع بنا تقرير واضح باختصار لا مجلس الأمن ارفعوا وجهة نظر- وكل ما شفتوا بنا حاصل وصار ولايقع تقرير مثل الاوّلي- ذي في عدن سجلت وانته في المطار 12- حيدر العطاس ولا ارجعوا للشعب واسمع كلمته- أوبه تجيب أشخاص من خلف الستار لا تغلطوا يابن عمر في حقنا!!- والله ما نقبل بأي إعتذار الشعب رافض والكوادر!! رافضه- إلا بدوله كاملة وانتو حرار 13- علي سالم البيض ان با تقل الهرج ون با تكثره- شف شعبنا أول من اتظاهر وثار رغم الحصار الخارجي والداخلي- ثابت على مبدأ ولا عنده خيار إلا بعودة دولتي متكاملة- لازم يرجع قيمته والاعتبار ملحق : محمدعلي أحمد: يا بن عمر باشاورك وانته استمع - ذولا الثلاثة هم صحابي ديهم كبار داري أنا داري بذي هم يشتهوا- واحد يهنجم والحقيقة فار فار إن شافها زانت بطل لاهي سعة- ون ضاقت الليات شارد لا ظفار وثنين تعرفهم صحابك كلهم - يشتوا مع الكرسي يدوروا حيث دار ونا كماهم بس واجه بالعلن- و إشارتي يمنه ودور لليسار السيرناشف بادهنه ياصاحبي- من عبدربه أوعلي ماشي عذار 14- رد شعب الجنوب؛ القول قولي واسمعوا لي كلكم - نا شعب ضحى بالصغيرة والكبار أعطيت في الميدان دمي والعول - وانتو في الراحة على لحم الجفار وهل الشهيد اليوم في حرالحمى- وانتوا في التكييف ليله والنهار هذا الجريح اليوم ما حصل دواء- وعيالكم بين المصايف عالبحار الدم منا والعسل لا حسابكم- ماقط شفناكم وسط بين النمار قادة على الريموت ماحد مثلكم- حتى فتنتوها الشجر هي والحجار عشتوا تآمر دوب دايم بينكم - بعتو جنوب العز في سواق الغمار من موسكو لا الصين لاباب اليمن- سمساركم نايف في أسواق البوار عادت حليمة اليوم هي وعيالها -يتصارعوا عالفيد ما هم حول دار يكفي كفى ماحد بغاكم كلكم- واتصارعوا برع على مسرح وبار مليت أنا مليت من كلماتكم- نا الشعب ما ابغاكم ويكفيني دمار لا عود للماضي ولا حد منكم- يكفي تسامحنا على ما كان صار ولا فتحناها ذه ملفات العنا- بايخرج المستور ونطفي كل نار نا الشعب ما باقبل لعودة عهدكم- دولة جديدة ما عليها شي غبار هذه قوالي يا الثلاثة كلكم - انتو حجر عثرة لتحقيق انتصار في جمعكم جا الشر لعيال البلد - وخلافكم فتنة شعلتوها بنار وحد يساوم منكم في أرواحنا - دلال في صنعاء رفعتوا له شعار أما علي صالح لعب في عقلكم - هذا يطمع له وذا يعطيه خصار والتالية يضحك على ما سا لكم - وجا حميد احمر لعب فيكم وسار محتار كيف انتو حكمتوني زمن - وانتو مع غيري خفيفين العيار يابن عمر يكفي قضية شعبنا - ذولا رفاقك فاتهم آخر قطار لا يضربوا لك صدرهم في ما تود - نا الشعب أنا عندي مفاتيح القرار والختم صلوا عالنبي بوفاطمة - واله وصحبه عد ما السيار . 15- عبدالرحمن الجفري سلام من رأس المجرب بارسله- لصحابنا ذي من وراء حد الديار سلام يوصل بن عمر والجامعة - محمول من رأس المكلف بالقرار شعب الجنوب.. اليوم حدد مطلبه- وإحنا معه دايم على هذا المسار نتبع إرادة شعبنا ذي قد قالها - ومن أساس البيت تتقوى الديار انا مع شعبي وحامل مطلبه - باسير به شامخ ملبي للشعار عاد المراحل باتطهر ثورته - وبايبان الجيد لا شب الغبار 16- الشيح صالح فريد العولقي: حيا رسايل جات من ذي يبدعوا - وانا مع ذا الشعب في برده وحار يكفي ملاوي بالهروج الخالية - الصدق غير الصدق ماينتج ثمار يا ما صبرنا عالعنا في أرضنا - واليوم ماشي صبر في بيع الضمار الشعب ماوكل على ما يفعلوا - هو صاحب الخيرة ومالك للقرار يكفي وصاية في السنين الماضية -من جرب المجروب بايبكي بحار وانا الفريدي بن رويس العولقي -ثابت على المبدأ بليلي والنهار ضاري على اللزات ماشي همني - حالي مع الحالي وللقير بقار أنا جنوبي بن جنوبي واعلموا- ما بايعمر حصن دي هد الديار وانا مع (تيار) دي هم يفهموا - توحيد صف العز ماهو للهدار من ما يبا في الصف مابا لغصبه -والشعب يحكم من تخلى فلحصار 17- الشيخ محسن محمد بن فريد: با أرسل سلامي للخلايق كلها - من باب مندب لا حدودك ياظفار للشعب دي ضحى طوال أعوامها -صابر وصامد ما يهزه شي عصار وإحنا معه عالعهد من زام أولي - لأجل الجنوب الحر بانعطي الضمار ونا مع صالح وصالح هو معي - وإحنا مع كل الرجاجيل الخيار دولة جديدة للجنوبي اختارها - ماشي وصاية عالجنوبي للخيار لا حد يقول اليوم بايفرض لحل - الشعب ذي يختار خطه والمسار يابن عمر إحنا لبا ميثاقكم - الشعب ما غيره على أرضه يشار الحل عنده ...في ميادينه أبصره - ماهوه في صنعاء ولاساحة ذمار ثورة وسلمية على رغم الضنا - فيها جميع الشعب من كل العمار ماشي حلول اليوم سوى استقلالنا -حتى ولو تشعل براكين النيار 18- الزعيم حسن باعوم حيا قوال أحياد وفوا كيلهم - حطوا مكاوي عالوجع تشفي عوار نا ثرت في الميدان مع شعب الجنوب - سيرة سوى ما قط همينا الشرار وفيت لي عندي لشعبي من سلف -ون شي قصر باوفيه باوفاها عبار كلي أنا مبذول روحي والجسد - ما يحقق شعبنا أوفى انتصار شأن السياسة للذي هم يخبروا لي يعرفون الخير ماهو للشرار وإحنا وهم كلين يملا موقعه إيداتنا مره على نفس المسار 19- العميد ناصر النوبة والعميد السعدي والعميد طماح ..وباقي من كانوا أول من أطلق الحراك السلمي لاستقلال الجنوب في 7/7/2007 منا سلام آلاف كلا يسمعه- للي لهم في الصدق عبرة واعتبار احنا ابتدينا ثورة الشعب الأبي- ونتوا نهضتوا ما عليكم شي غبار وانتوا سند للشعب في وقت العناء- وعمت الثورة مدنا والغفار الأربعة طول الزمن ذي يعبثوا- حد منهم يفتن وحد يلعب قمار يستخدمون المال فتنة في الوطن- ويحسبون الناس أتباعاً صغار قلنا تسامح بالقلوب الصافية - وتصفر العداد... واتعبى جهار واليوم وحدة صف يالله نجتمع - ومن تخلف ما معه غير البوار والشعب مدرك للملاوي كلها - ما بايهمه من تأخر في المسار 20- الشيخ عبدالرب النقيب: صلوا على المختار ياقاداتنا - أنا جيت من يافع من لحج النمار احنا مع ثورة جنوب السلمية- يكفي عبث من بعض من قالوا الكبار قالوا من التاريخ قلنا مرحبا - ماعاد قلنا ويش في التاريخ صار حيا بهم في الصف لو با يعقلوا- ون هم في التاريخ ساروا حيث سار أما مسيرة شعب ما هي ناظره - حيا بمن جاها ومن فيها استجار الشعب فيه رجال تحفظ ثورته - والله بايكفيه من شر الشرار المشاركون في التظاهرات والمهرجانات السلمية الجنوبية سلام يالثورة ولك منا احترام- احنا معش دايم ونشعلها بنار لكن بلانا من قيادات البلاء - يتقاسمونا بينهم مثل السبار صرنا بنادقهم وهم يتصارعوا - الأخ يقتل خوه من أجل الكبار شعار خلف شعار ذي لصرخ بها- لأجل البلد تنهض وهم خلف الستار واليوم يكفي دم في ما بيننا- بسب هذولا القيادات الصغار وان حد يبى منهم يصادم صاحبه- ينزل عياله في ميادين الشجار احنا فدا للشعب نعطي أرواحنا- ما بانصادم بعضنا لاجل التجار 22- تختيم : من شعب الجنوب: سمعتكم قولي سمعت أقوالكم - وفرحت بقوال الذي بعدي النمار وانا معاكم تركوا لي يعبثوا - ماشي معاهم غير لعبة أو بوار من ضاحية لا مصر أو صنعاء حمد - كلين عا قرصه طرح سبعة جمار أما الجنوب الحر هو سلعة لهم- ما يذكروا إسمه سوى شطر الشطار من بعد ما قد راح من يداتهم- حطوه في المنشور ماهو لا شعار ون قد رجع في يوم لا أملاكهم- ماهمهم إن كان مقطورة قطار 23 - الشيخ طارق الفضلي طارق أنا عالباب لما كسره- ما بيتشي صنعاء ولابيت الحوار هذا جنوب اهله ولا باتركه- لا ابليس بايرجع ولا صحاب البوار ثورة على المحتل لما نخرجه- بالسلم بايخرج ورد النار نار يالشعب لا تقبل أكاذيب الكذب- بيعة رخيصة وسط صنعا بالجهار با يدفنونك حي أوبه تستمع- للمكر والمكار دي باع الديار لما متى وانته قفا ذي باعنا- يتقاسموا لدوار وانتو في انتظار 24- النهاية: من شعب الجنوب وانا فهمت اقوالكم ياهل الوفاء - ما عاد أنا باسمع لمن جانا وسار يكفي سنين العمر ذي قد هانها- عشرين في عشرين في ستة دوار شبيت وقد شيبت ونا في لعبته- وليوم بان الصدق من كذبة شرار ما عاد باصدق عيال السكنية- بيعة قفا بيعة بكرسي أو بدار