بالصوت والصورة وابن المحلوي زاد أكمل السيره قال لاهل الهوى والعشق واهله وجيرانه وصال ما أحلى الوصال بين الخل وخلانه وزاد غنى لسماره وينك يا نبي العشاق، وينك يا زمن خلاق، من جور حكامه ذي شرعوا حكمهم صاغوا وقالوا لصبيانه " إذا لقيت شي في طريقك واعجبك .. شله" قال الفصيح لما سمع حكمهم.... قط ما سكت همه وراح ينشر ويقرأ فكرته وهمه وقال لذي همهم همه عاد السماء صافيه خلقها ربنا حره والقلب في عشقها ما تحرقه جمره يهوى ويعشق والهوى عبره هواءها من هوى الروح أو من هوى الجنه وما يفارق طيفها وإن غابت ينقلب أمره يحلف ويقسم يمين بالقرآن والسنه "والله لا سامر البيض" واسهر مع السمر كذا جمله فالسمر إن طاب السمر سكره وفنه والبيض يشرحين القلب ولو كانت به عله والبيض والله سلوة الدنيا قد هن ملاذ الروح وقربانه يمشين يرقصين بين الروح وشريانه والسمر خلقهن هكذا ربي يمشين، يطيرين في السماء فسبحان من علا شانه ملاح مثل الدرر مزينات الكعوب، مخضبات الكفوف، يطيرين لرقصة الحنه وزاد بن يعقوب في هرجته حنه وزاد ابتسم فوقها بسمه ووجه القمندان افتهن لما رأى هكذا بسمه شاور تبسم وقال والوجه تملأه بسمه يا ناس يا أهل الهوى ولى زمان الهوى ولى لا في الحسيني سمر ولا عادت لنا سمره وعبدالرقيب ساكت وفي سكتته عبره وابن العزيبي يصيح متى با يعود للزمن فنه!!! ابن سلام انتبه قال يا جماعه .... زمان أيامها كان الزمن جنه قال للعزيبي سلام وشاركه همه وقال يا زمن عاد شي أمل نسير كلنا حله قال العزيبي سرحتك يا زمان وسرحتك يا فلان يا من ضيعه خله وقال المطلفس ذي قتل شعبه اللي الزمن حط من شانه ومن قدره "دولة عظيمه ولا حد يعصي الدوله" صاح العزيبي صيحته المره يا غارة الله على الكذاب ذي قد ضيعه كذبه قد سكته للنار وهو يحسب مكانه بالجنه وابن العزيبي يدندن لا هرجه ولا كلمه وشاف ضابط مبندق ملتحي لابس فوق القميص زنه طاؤوس في مشيته يمشي وراء ظله صاح العزيبي قال يا ناس وين صدقه من كذبه لا دين في جربته ولا في صرته مله والعبدلي يضحك يقول ما عنده يا نون يا تنوين ويا منية النفس والعينين ويا سلى يا زين هات من مقلتك نظره تهنا بها العينين وبعدين بانسمر وبا نقطف القبله وابن العزيبي ساكت لا هرجه ولا كلمه وقال بصوت خافت لا وين .. أنا لا وين وقال ابن سلام قال أصل الكلام معدنه وفنه ابن المكلا ضحك.. قال والله كلام مرسل من الجنه وشوفا سعاد المكلا جنائن شعرها جنه وأرضها والغيل تزرع الحنه ابن المعلى ضحك وهامس النسمه وراح يمشي بين الحشا والبنين ولامس بإيده مواقع الخد والنهدين دارت براسه أحلام ذي القرنين وقال كلام جميل من جملتين خير الأمور الوسط بين امعين وأمسره وضمة الساقين ومركبه وقال للزمن ... حكمته "إذا دخلت المدينه قل بسم الله وإن شي حور في طريقك.... داوي الحر ..... إتق شره "وإن كان عادك غريب ما تعرف البندر" راجع كتاب المدينه وفنها والدرس والمعشر اقرأ جميع السور وشوف عاين كل الصور وميز الأصل والمغشوش ناقش وحاور كذا عاقل وحاذر وحاذر لقولة "المربوش" ولما تغرد طيور السماء والبحر أمواج تترجرج والناس فوق السحابه تصلي تتهجد قل يا زمن يا ناس عاد المدينه عادها حره وقل يا زمن يا ناس عاد السماء صافيه والله عادها حره والله عادها حره