دخلت الإعلامية المصرية ريهام سعيد، في حلقة الأمس الأربعاء من برنامج «صبايا الخير» المذاع على قناة «النهار» فى نوبة بكاء على الهواء مباشرة، أثناء عرضها مقطع فيديو لاحتفال فريق عمل برنامجها، بعيد ميلادها ال40 . كما كشفت ريهام ان سبب فشلها في الزواج وهو عدم استطاعتها ان تعيش عيشة طبيعية كباقي السيدات وان البرنامج والشغل كان سبب فشل زواجها ، وان عمرها ضاع مع ناس كتير غلط.
وقالت ريهام، “مامتي بعد ما خلصت الحلقة إمبارح بتتصل عليا، بتقولي اطلعي بسرعة، علشان خاطر الكلاب مش عارفين نعمل فيهم ايه، بس اتفاجأت أن فريق إعداد البرنامج، في الشقة بيحتفل بعيد ميلادي، وكانت لفتة جميلة جدًا خاصة ان عايشة فى نفس المكان مع أهلي” ثم وبدات فى البكاء وقالت “قضيت تلت ارباع عمري في عربية الشغل ومع الناس في فريق العمل، حتى جوزاتي فشلت بسبب الشغل علشان خاطر الشغل، واولادي مكنتش معاهم طول الوقت”. وأضافت ريهام وهي تجهش من البكاء: “يمكن ما عملتش أصحاب كتير كان كل أصحابي بيشتكوا اني انا ما برد على التليفون واني انا مش موجودة وكان دايما بنات خالتي وبنات خالي بقولوا طالما ريهام قالت انو هي جاية يبقى هي مش جاية”. وتابعت: “كان كل وقتي واكلة شاربة نايمة في عربية الشغل يمكن العلاقات الانسانية الوحيدة اللي كان فيها حب وعشرة كان هي الناس اللي معايا في الشغل”. وعن زيجاتها قالت: “حتى زواجاتي كلها بتفشل من الشغل لأني ما ببقاش موجودة وبكرس ثلاث ارباع وقتي لخدمة الناس وكنت دايما حريصة اني اكمل رسالتي اللي الله حطني بها”. كما طلبت ريهام من جمهورها الدعاء لها قائلة: “بأمنكم أمانة أنكم تدعولي اني من النهاردة من اليوم اللي تمت فيه اربعين سنة لغاية بعد كدة اني ما اخدش قرارات غلط اني ما اظلمش نفسي وما اظلم حد واني اعيش حياة كريمة فيها راحة وسكون واني ربي يرضى عني”.
