" مصر كبيره للكبير " قصيده مشتركه ل هايدى دياب رمز كتابه (♥) وتامر الشافعي رمز كتابه (☺) مصر كبيره للكبير ========== ♥ الحكاية م البداية فيلم مش بعيد علينا شعب قال خلاص زهقت حسوا مرة واحدة بينا شربنا حزن اكلنا هم كل حاجة ماتت فينا مزاد كبير راح نفتحه .. فمين يحب يشترينا ؟! ☺ مرور وزحمة ونارنا تحمى والسولار خلاص مفيش ناس مفيش ف قلوبها رحمة ناس نظرها شيش وبيش ناس وجوة قصورها عايشة وبالغلابة ما تعتنيش عيشة فخمة وعيشة رخمة وعيشة تدور ما تلاقيش ☺ هم عايشين برج عالي واحنا كفران دين أبونا تنك فل وتنك فاضي و ع المحطات لطعونا هم ياكلوا في الجاتوه واحنا اموات في الطابونة دش سخن ودش ساقع حتى الشرب عطشونا ♥ إحنا بنعيش عصر نهضه وجوعنا هو الدليل حكم مش عايش عشنا ده عشان الفصيل اتمردنا فين وطنا ؟! مش هنسكت مستحيل 30 يونيو مش هنسلم .. مصر كبيره للكبير . بقلم / الشاعرة هايدى دياب بقلم / تامر الشافعي