* * * * في شاب في شغلي كان باين عليه معجب بيه وبيراقبني وبعد اشهر شاءت الظروف اني اقعد جمبو قبل ما يسيب الشغل ب اسبوعين عشان يدربني اول يوم كان مدايق جدا بيعامل الكل كويس الا انا، بعدها فك جدا معايا وبقينا اصحاب في يومين بعدين اتشغلنا كل كلامنا بقه في الشغل وكان واضح عليه انو بيغير عليا وبيحاول يخليني اغير عليه، وفي اخر يوم ليه كنت حاسة انو عايز يدايقني وبيعاملني انا وحش خلاني اتعصب عليه وفي اخر اليوم اللي عرفت انو اخر يوم ليه واعتذرلي وودعتو.. بعدها لقيتني مشتاقة ليه جدا متوقعتش كدة واتواصلت معاه ورد عليا وكان مستني ابعتلو تاني، لما بعتلو تاني لقيت حد تاني بيرد عليا وهو مرجعش يسأل عليا، بعدها انا سبت الشغل وبعت اسلم على زمايلي وهو رد عليا يودعني، هو الوحيد اللي مبعتليش رقمه ولا قالي خلينا على تواصل، فانا اتصلت بيه بعدها اسلم كان بيقفل وبيقول ربنا يوفقك وتستاهلي كل خير وانا قلتلو انا كنت بسلم على زمايلي وقلت اسلم عليك وبس... انا مدايقة لاني مش قادرة انساه وانسى اهتمامو بيا هو في بالي طول الوقت، ومش عارفة اركز في حياتي، ومش فاهماه انا متأكدة انو معجب بيا وزمايلي كانو ملاحظين وانا اللي لاحظت متأخر.. فمش فاهمة ليه مش عايز يتواصل معايا ونكون اصحاب وانا اعمل ايه اكتر من اني اتصلت بيه واديتو رقمي.. انا عرفت ناس كتير وكنت مخطوبة وشباب كتير كانو معجبين بيا في الشغل بس هو الوحيد اللي عجبني هو شبهي وهزاروا شبهي ومتدين واخلاق وطيب وثقة وبسرعة اخدت عليه وكان احلى واحد في المكتب وانا احلى وحدة في المكتب.. حاسة اني مش عايزة اخسرة وعايزاه يفضل فى حياتي كصديق او خطيب مش عارفة اعمل ايه صديقتى العزيزة قرأت رسالتك أكثر من مرة وأرى أختى الحبيبة لو كان الاعجاب متبادل ويرغب فى التواصل معك فسيفعل المستحيل ليصل إليك ويتقرب منك. اختى الحبيبة عززى نفسك ولا تفكرى فى الأمر مرة أخرى ولا تشغلى بالك بهذا لشخص مرة أخرى لأنه من الواضح أنه لا يهتم لأمرك فلا تشغلى عقلك وقلبك به ..... كما ذكرتى فى رسالتك إنك فتاة جميلة وأن الكثير من الشباب يرغبون فى الارتباط بك فحاولى أن تفكري بعقلك لا بقلبك لا تشغلى بالك وتفكيرك به أكثر من ذلك ... أوجدى بداخلك الدافع القوى لتتخلى عن التفكير به ويجب أن ينبع هذا القرار من داخلك حتى تستطيعى أن تبدأى صفحة جديدة وتحبى من جديد. مواضيع متعلقة بص وطل
