* * * * السلام عليكم اعذروني أنا مش بعرف أحكي كويس .... أنا عايز أسيب خطيبتي بس بحبها وخايف اني ملقيش حد يعوضني عنها او الاقيكي حد محترم من اللي انا بشوفه ... المهم احنا كل المشاكل اللي بينا هي بتقولي انها مشاكل تافهة وانا شايف انها مشاكل كبيرة وهي مش بتقتنع انها غلطانة ... النهاردة انا كنت بكلمها علي الموبايل وهي كانت في الشغل قالتلي ثواني فاانا قولتلها شوية واكلمك قالتلي لا خليك معايا قولتلها معلش شوية واكلمك قالتلي لا مش حقفل قولتلها طيب بعد كده قالتلي طب سلام دلوقتي وقفلت السكة في وشي وزعلت اني اتضايقت وشايفة ان ده طبيعي وانا بدقق علي كل حاجة تقولي فيها ايه لما تعدي كل حاجة المهم كلمتني عشان اقابلها بعد الشغل واتقابلنا وانا كنت زعلان جدا وهي مش فارق عندها عادي بتضحك وتهزر معايا وعايزاني انسي المهم واحنا ماشين وحاطين ايدينا في ايد بعض فجأة سابت ايدي ولقتها بتعدي السكة وبتقولي تعالي نركب فا انا اتضايقت واتنرفزت زعلت اني اتنرفزت وعليت صوتي وتقولي انا قولتلك تعالي نعدي قولتلها في واحدة في الدنيا تيب ايد خطيبها وتعدي لوحدها وعايزاه هو يمشي وراها تقولي اه انا اللي عندي مشكلة وشايفة اني كل حاجة بخدها علي مستوي الرجولة عشان مطولش عليكم .... في حاجات زي كده كتير ..... ياريت حد يقولي لو انا غلطان او مكبر الموضوع وفيدوني اني اكمل معاها ولا ممكن يبقي فيه مشاكل تؤدي الي الطلاق .... شكرااااا صديقنا العزيز الخطوبه مليئة بمثل هذه المشكلات التى تعانى منها..... ووجود مثل هذه الخلافات أمر طبيعى جدًا؛ حيث تتلاقى شخصيتين مختلفتين يحاول كل منكما أن يٌطبع الأخر بطباعه ويقنع الأخر بان مايقوم به هو الصواب ... أخى الكريم لا يعنى وجود هذه الخلافات أن الحياة بينكما فى المستقبل ولكن بالحب يتلاشى كل هذه الخلفات ويتنازل كل طرف عن عناده من أجل من يحب تعالى نفكر بشئ من الواقعية ..... ولا تعتقد أننى مع الطرف الاخر.... هناك بعض الفتيات يرون أن الشباب فى فترة الخطوبه يحاولون السيطرة؛ وأن يأخذوا دورالقائد فى العلاقة وهذا أمر طبيعى كما أنه دور كل رجل ....ولكن ليس كل الفتيات تتقبل هذه السلطة مرة واحده ولكن هذا الأمر يأتى تدريجيًا كما أن بعض الرجال يتغير طباعهم بعد الزواج ....وروح المبادرة والغيرة تنتهى بعد الزواج لذلك بعض الفتيات لا تحب أن يسيطر عليه أى رجل ولكن إذا وجد الحب ستنتهى هذه الخلافات تدريجيًا. أخى الكريم بالحب تستطيع أن تقود هذه العلاقة ... لا تفكر فى الانفصال أبدًا ولكن فكر فى ارضاء خطيبتك واحتوائها بحنانك وحبك ......بالحب تستطيع أن تنتهى كل هذه الخلافات. مواضيع متعلقة بص وطل