* * * * عندي 25 سنة هحكيلكم حكايتي من اولها ، مبدأيا انا كاره نفسي عشان بكتب هنا وكاره فكرة اني بكلم حد تاني بدل ما اكلمها و افضفض معاها قابلتها صدفة في مكان ومن اول يوم حسيت اني معجب بيها ، اتقابلنا تاني واتكلمنا كتير و قولتها انا بحبك و كنت فعلا حاسس الاحساس دة ولسة حسه و دي المشكلة . اتكلمنا كتير و حكيتلي كل حاجة عنها و عن علاقتها السابقة و هنا مربط الفرس من كلامها عرفت انها شخصية جريئة وصلت لدرجة انها راحت لواحد صاحبها البيت عشان تصور حاجة معينة (كان مشروع فيلم في كليتها) . و كان معاهم واحد تاني وحصل ان التاني نزل وا الاولاني حاول يعمل معاها حاجة و هي جريت منه جرئتها و هي بتحكيلي خليتني اثق فيها . و كنت عارف ان مش اي بنت ممكن تقول الكلام دة المهم العلاقة استمرت و كنت فعلا اتعلقت بيها جدا وبالكلام اني رايح اخطبها اديتني باسورد الفيسبوك بتاعها . الشيطان استلمني دخلت بصيت على كلامها مع الناس لقيت ولاد كتير وكلهم بتكلمهم بنفس التون حبيبي و انت عارف بحبك اد ايه وكلام من دة واجهتها . قالتلي دول كانوا صحابي مش اكتر و الكلام دة عادي مابينا و هما عارفينني كويس و عارفين انا ايه بالظبط وانا اصلا بؤ عالفاضي حاولت اوازن الامور . احترم انها صارحتني بكل علاقتها حتى موقف الشقة و انسى و اعدي . و في نفس الوقت الكلام دة كل شوية يجي في بالي . و حاسس اني لو كملت هتبقى عيشة غم و مش قادر ابعد عنها انا كمان على فكرة كان عندي علاقات كتير .. ولما سالتني قولتلها كل حاجة. الموضوع انها كل يوم بتيجيب سيرة حد كانت معاه قبلي عشان معاها في شغل و اتخانقنا بسبب الموضوع دة كتير. من يومين بينتلي انها مدايقة ان واحد كانت بتحبه ارتبط بصاحبتها في اخر كلامها مش عارف حست ان اللي بيتقال دة ماينفعش ولا ايه قفالت ان دة عشان اداها على دماغها وكانت بتحبه اوي ! و طبعا ان الكلام دة عادي ،و عادي تكلمني فيه واتقبله و اعديها انا مش عارف الكلام دة يترد عليه بايه بس انا كان لازم احكي اعمل ايه صديقنا العزيز كم جميل ! أنها تكون علي هذه الدرجة العالية من الصراحة، وأنت تتقبل ذلك بكل حب ، ولكن لكل انسان طاقته وقدرته على التحمل، فأنت تحملت الكثير حتي أصبحت غير قادر علي تحمل أكثر من ذلك. فيا أخي هذه الفتاة لا تحبك بل تحب تعلقك بها وتستغل تقديرك وحبك لها ،وهي تبحث في ماضيها سعيا وراء قصه كان من الممكن أن تكون هي بطلتها،مستغله بذلك حبك وتفهمك وتقديرك لصارحتها ، فهي لاتحبك ولا تقدرك ولا تحافظ علي مشاعرك ، لانها لو كانت تحبك كان لاتذكر ماضيها أمامك ولا تحزن عليه أيضًا ،و تحافظ عليك و علي مشاعرك وهذا عكس ما حدث، ومعني أنها تحزن لارتباط شخص كانت علي علاقه به في الماضي هذا يدل علي عدم حبها ليك ، فأنصحك بأن تتركها حتي لا تعيش في حاله من الشك ، فأنت نعم تحبها ولكن هي لاتقدر هذا الحب ولا تستحقه فأتركها حتي لا تندم في النهايه وتقرب إلي الله وادعوه أن يرزقك الحب الذي يعوضك عما مضي و يرزقك الفتاة التي تخلص لك ولحبك ويرزقك الخير دائماً. مواضيع متعلقة بص وطل
