السلام عليكم .... مشكلتي في حاجة واحدة ونفسي الاقي حل يمكن هي بسيطة ولكن في نظري كبيرة جدا اولا انا عمري 21 سنة وفي تالتة جامعة يعني باقي سنة واتخرج ان شاء الله المشكلة بقا في الشغل انا الحمد لله ربنا جعلنا اسره بسيطة في قرية ودخل متوسط معاش ابي تتكون الاسرة من ام وابن فقط وابي ربي يرحمه ويغفر له (ده باختصار حالنا في الحياة) ..... اساس المشكلة بقا اني انا مش عارف اشتغل حاجة او بمعني مش لاقي نفسي في حاجة خالص يمكن ترجع بداية المشكلة ان امي دلعتني كتير ومخلتنيش احتاج حاجة ابدا ولا امد ايدي لحد واطلب مساعدته (ربي يجعله في ميزان حسناتها) بس حسن نيتها دمرني انا. يمكن الي عملته امي ده ينفع في مجتمع تاني لكن مجتمعنا ده كان لازم ترميني للشارع عشان اعرف اتعامل مع الناس وافهمهم واعرف الخبيث واللئيم والطيب والكويس كان لازم اشتغل من وانا صغير .. اغلب الشباب الي في نفس حالتي بيكون ابائهم سايبينلهم ميراث كبير وارض كتير بس انا اختلف انا مش معايا حاجة غير البيت الي ساكن فيه ..... انا الحمدلله بدأت اكسر حاجز تعاملي مع الناس لكن خبرتي قليلة جدا يعني ابن عمي الصغير الي عنده 14 سنة يعرف اكتر مني لانه ابوه خلاه اشتغل من هو وصغير ودلوقتي الي ابوه موجود ع قيد الحياة حتي لو قعد مشتغلش لحد ما كبر في نفس سني اكيد بيكون له سند وقوة ودفع للحياة والشغل اما انا فأمي امرأة مهما كانت لا تستطيع عمل الأب وتأثيره علي ابنه ..... الحاجة التانية انا جسمي ضعيف جدا بمعني ان اصحابي لما تيجي الاجازة بيسافروا يشتغلوا في العمالة والبهدلة انا متعودتش ع الحاجات دي وجسمي ميستحملش اصلا ان اشتغل عمالة هتقولي شهادتك تنفعك بلدنا اصلا مفيهاش وظايف يعني كل بتوع بكالوريوس تجارة اغلبهم عندنا بيطلعوا يشتغلوا عمالة انا بقا اروح فين وسط العالم دي!!! .... الحل لمشكلتي دي ان يكون معايا مشروع خاص بيا اقدر اديره بنفسي وده حاليا مستحيل عشان 3 شهور وارجع الدراسة تاني يعني المشروع هيقف ..... انا عايز حل مؤقت ل 3 شهور الاجازة دي انا مش محتاج مرتب الحمدلله احسن من غيرنا بكتير لكن المشكلة في قعدة البيت وخاصة اني السنة الجاية هتقدم للخطوبه ف اهل البنت لما يسألوني علي دخلي اقولهم ايه اقولهم معاش ابويا مش عارف اعمل انا برضو انسان وليا مشاعر ونفسي ارتبط بالبنت الي بحبها لما اسمع انه حد من صحابي خطب بتعب نفسيا لما ابن عمي الاصغر مني ب 4 او 5 سنين يخطب انا بتعب نفسيا انا مش بحسد حد ولا بحقد ع خد بس انا برضو ليا مشاعر ونفسي اخطب ونفسي اتجوز واكون اسرة ....... انا تعبت من كتر التفكير ... انا زهقت من حياتي نفسي اموت وارتاح ................................... معلش انا طولت اوي بس اعمل ايه مش لاقي حد افضفضله واخد بنصيحته الا انتوا ........شكرا ليكم صديقنا العزيز فى البداية اشكرك اخى الكريم لثنائك على الموقع ونتمى ان تستمر هذه الثقة الغالية فى الموقع مشكلتك ليست بمشكله بسيطة كما يتصور البعض ... ان تقف على اقدامك وان تشق طريقك فى هذه الحياه امر ليس بهين او سهل بالعكس ... من الرائع ان يتسم تفكيرك بهذا النضج واحيي فيك رغبتك فى تحمل المسؤليه واعترافك بفضل والدتك عليك اخى الكريم كل انسان يرى ان المشكله التى يعانى منها هى اكبر مشكله فى العالم وانه إذا وجد لها حل انتهى عذابه وحيرته ولكنه لا يدرى ان كلما زاد عمر الانسان كلما كبرت مسؤلياته وزادت المشكلات اخى الكريم استغل هذه الفتره فى تطوير نفسك وابحث عن المهارات المطلوبه فى مجال العمل واعمل على التحلى بها مثل اللغة والكمبيوتر وغيرها من مهارات الاتصال التى تساعدك على تحقيق هدفك ولا مانع فى العمل بأى مهنه مؤقتة حتى ولو بائع فى احد المحالات ليس المهم ان تكون المهنه تناسبك ولكن دائماً كن انت المناسب لأى مهنه ... ضع هذا دائما امام عينيك ... من خلال هذه المهنه ستتعلم كيف التعامل مع مختلف الانواع والطباع البشرية ومنها ستدخل عليك قدر بسيط من المال لتقوى مستواك من الناحيه العلمية وفى النهايه اتمنى لك التوفيق فى حياتك العاطفيه والعملية بص وطل
