انا محتارة متقدملي عريسين مش عارفة اختار بينهم لان كل واحد له مميزات و عيوب .. هم الاتنين مستواهم الحمدلله كويس و في تكافؤ من كل الجوانب .. الفرق بينهم في شخصية و تربية كل واحد الاول شخصية منفتحة و متحررة يعني كل حاجة عندو " ايزي " مش مهتم اوي بالعادات و التقاليد .. و عايش حياته زي ما هو عاوز و اساسيات الدين عنده موجودة زي الصلاة و الصوم لكن العبادات التانية زي القرءان و النوافل و كدة مش ملتزم اوي فيها . التاني شخصية منغلقة شوية ساكت دايما مش بيتكلم كتير و مش متحرر اوي ..هو ملتزم بالعادات و التقاليد و عنده اساسيات الدين موجودة لكن مش منفتح زي الشاب الاول و مرتبط باهله جدا ... انا ليا مشاعر للشاب الاول لكن متخوفة جدا من تحرره الزايد يتعبني بعد الجواز .. اما الشاب التاني مفيش مشاعر من ناحيتي له لكن مطمنة لانه ملتزم بعادات و تقاليد و ضوابط اكتر من الاول .. سؤالي .. الحياة مع الانسان المتحرر بعد الجواز أفضل و لا مع الانسان المنضبط اكتر .. وشكراجزيلا لكم