* * * * السلام عليكم ورحمة الله وبركاته أنا مخطوبة بقالى شهر وخطيبى أقل منى فى تعليم والمستوى المادى بس وعدنى انه هيكمل فى الجامعة المفتوحة وهو راجل اووى وطيب وحنين المهم انا ماليش اخوت ولاد وبابا متوفى وخايفة من مرحلة الخطوبة والجواز خصوصا انه بيت عيلة ودايما بكلمه وببقى محتاجة اطمن منه والله . معاملتى مع والدته كويسة جدا حتى كان خرجنى انا واختى وقال لماما تيجى معانا روحت اصريت ان مامته تيجى معانا وروحنا جبناها أنا وهو وانا عندهم قلتله عاوزة اشرب فراحت طنط بتقوله جت الى تعملنا !! فاانا استغربت ووشى بان عليه وفضل يلح مالك وروحت قلتله طنط تقصد ايه ؟ قالى مافيش بتهزر وليه ماسكة فى كلمة مش شايفة هى فرحانة بيكى ازاى وخرجنا وروحنا وجينا تانى قالى مخنوق وسبينى وتالت يوم قلتله راحة اكشف لانى تعبانة ونباضات قلبى بقت سريعة اووى وعملت رسم قلب تحليل والحمد لله كويسة بس انميا خفيفة واضرابات نتيجة حالة نفسية فبقوله لو لقدر الله كان فيا حاجة هتعمل ايه راح قالى لو عندك بقى الى عاوزة ربنا انا ماعرفش وبعدين لو عندك مشاكل فى قلب انتى الى هتيجى تقولى لا وبعدين ماينفعش تجوزى ولا تخلفى سكت وحكيت لماما قالتلى ماكنتيش افترضتى وفعلا روحت اكلمه واهدى الموضوع لقيته دخل فى ناحية تانية انتى هتعملى مشاكل مع اهلى وخفتى من كلمة جت الى تعملنا وطالما خايفة كده خليكى فى بيت مامتك وانا حكيت لمامتى قلتله ازاى انت هتشيلها منى قبل مااجى وطلبت اعرف رد فعلها قالى لما نكلم بعدين وسبنى اكلم ومايردش كنا بنكلم على الفيس ووباين انه شاف كلامى روحت دخلت اوضة وقفلت الباب واتصلت بطنط وقولتلها حضرتك زعلانة منى قالتلى لا انتى حبيبتى فى حاجة ولا ايه قلتلها اصل هو بيقول ان حضرتك زعلانة لكن طبعا ماجبتلهاش سيرة خالص قلتلها هو اتغير معايا اوى قالتلى طب انا هبقى اقعد اكلم معاه واشوفه وطلع انه كان بيكدب عليا لانه مقلهاش حاجة وطبعا حكيت لماما لان حسيت موضوع كبر وقلتلها وكأنك ماتعرفيش حاجة بس قالتلى انتى مش غلطى وماتكلميهوش سبى كده والنهاردة عارف ان راحة اجيب تحليل دم وماهنش عليه يتصل بيا وقاعد على الفيس وشايفنى فاتحة ومش هان عليه يكلمنى المهم انا اصلا كنت بصلى قضاء حاجة وكانت الامور بتظبط انما الايام دى بقيت بصلى صلاة استخارة وبيبانلى حاجات غريبة انا قوية بربنا ولو لقدر الله فسخنا الخطوبة مش هزعل لكن خايفة من مواجهة الناس ونظرتهم ليا اوووى قولولى اعمل ايه بالله عليكوا واسفة انى طولت عليكم وربنا يسعدكم ويجزيكم خيرا صديقتى العزيزة هناك بعض النقاط الهامة التى سأوضحها لك وعليك أختى الحبيبة أن تضعيها فى اعتبارك لتتخذى القرار السليم هل تكملى معه أم تنهى هذا الارتباط ؟ أولاً : التقارب فى الأفكار والتعليم والمستوى المادى خاصة بالنسبة للفتاة من أهم العناصر التى يتوجب توافرها بين الزوج والزوجه ووجود الفوارق فيها لا ينتج عنه سوى الكثير من الخلافات التى يصعب علاجها فيما بعد وهذا الأمر عليك التفكير فيه جيدًا قبل أن تستكملى هذا المشوار مع خطيبك. ثانيًا : أكثر ما تحتاجة الفتاة فى شريك حياتها أن يساندها فى السراء والضراء .... واضح من كلماتك السابقة أن هذه الصفة ليست متوافره فى خطيبك. فعندما يستطيع تقديم واجبه تجاهك بأن يساندك ويهتم بك ويرعاك لتشعرى بالأمان ولكن ما حدث العكس تماما فهو لم يطمئن عليك او يشاركك قلقك على صحتك ولم بين لك انه بجانبك مهما حدث ولكن ما حدث انه اوضح مضاعفات هذا الأمر على الزواج وعليه فقط من وجهه نظرى هذا شخص أنانى لا يحب إلا نفسه او لا يحبك لأنه لو كان بحبك كان يفديك بروحة أختى الحبيبة اعلم أنك تتألمين من داخلك لما حدث ولكن اشكرى الله عز وجل انه اوضح لك حقيقة هذا الشخص قبل فوات الاوان؛ فمن الواضح أنه قام بخطبتك لمساعدته والدته واخوته فى المنزل وعندما اكتشف انه من الممكن ان تكونى مريضه بدأ فى التراجع..أختى الحبيبة من وجهه نظرى ان الانفصال افضل من الاستمرار فى هذا الارتباط ...استعينى بالله واتخذى قرارك ولن تضيعى أبداً. مواضيع متعلقة بص وطل