ليوم حتكلم على اختراع رهيب كل بيت أكيد فيه عصارة فواكه بس للاسف انا كانت عندي وحدة اللي هي دي وللاسف بتضيع فواكه كثيرة وهذا تبذير كنت احط كيلو عنب بالقوة يطلع لي كاسة ولانها بتلف سريعه بتحرق الفيثامينات ما كنت احس بطعم قوي للفواكه خليتها على جنب وبدأت رحلة بديل لها
بعدبن شفت عصارة بسيتراس تي في اللفة اللي بتعملها بطيئة جدا وبتعمل عصير فواكه وخضار وكانت المقدمة تحط قليل من العنب بيطلع كاسة فقررت اشتريها وبشهادة زوجي احلى اختراع شافو
اتمنى الصورة تكون واضحة هنا العصير الاسبوعي عصير كرفس وبقدونس وجرجير وزنجبيل واختمها ببرتقال وجزر طبعا والعصير اليومي بيكون كل يوم شكل وحتى الفواكه اللي ما احبها اسويها عصير واشربها زي الدوا والحين اتعودت عليها فانك تكرهي شي او تحبيه هي مسالة تعود بالاخير اسم العصارة HUROM وموجودة بموقع امازون ومو شرط تاخذو النوع دا اهم شي عصارة تكون لفتها بطيئة عشان لا تضيع الفيثامنات ولا الكمية
سويت عصير جرجير
وعصير بقدونس
وهذا عصير الكرفس لا تستغربو الكرفس له فوائد عظيمة انا بصراحة بسوي العصير المنظف للجسم من السموم ومنظف للكلى والمتانة ومقوي جدار الرحم ووقاية من الامراض الخبيثة حمانا الله واهم شي بالنسبة لي بيزيل الدهون المضرة بالجسم بوقتها بتحسي بنشاط بس لا تسويه الا بيوم اجازة لانه بيسبب اسهال ممنوع العصير دا للحوامل نهائي
طبعا ضفت الزنجبيل
النتيجة النهائية شربت نصف الكمية والكمية التانية لزوجي وجلس طول النهار يدعي لي ويقول ايش اعطيتيني وهو طلب اني كل يوم اسويه قلت لا كل اسبوع كفاية بس اللي بيعاني من السمنة يستخدمه كل يوم لمدة 20 يوم ويدعي لي بعد كدا
بعد كذا احط مويا اغسل العصارة مو شرط تفكيها وتنظفيها كل مرة
والماء اللي طلع غسلت بيه وجهي والباقي بالثلاجة عشان كل يوم قبل لا أنام اغسل بيه وجهي وامسح بشرتي بماء الورد وانام