اتفوا عليكم ياذنب يا ملحق الحكام قصيدة - للشاعر حمزة البرغوثي دنيا الوطن _رام الله مجروح يادمعتي وفييِ بقايا انفاس تبكي بقايا وطن ينبض بجرح الناس ماظل فيها صبر ماظل فيها احساس احنا بزمان القهر والذل والافلاس وين رجال الوطن تيجي بطورية وفاس تحمي بقايا وطن من ظلام هل أنجاس ^^^^^^^^^^^^^^^^^^^^^^^^^^^ يارب تحمي الوطن من بطش هالظلام ....رمونا بحفرة محن فيها حقل الغام ماظل عنا بطل يوم انعدم صدام ....والامل فينا انقتل ع حفة الاعدام وتقسمت كل الدول حتى مصر والشام ...وثاروا العرب عسيادهم وتغيرت حكام بغياب قائدنا البطل ماظل عنا ازلام ....من وقتها صار الوطن متجزيء الاقسام والناس في أرض الوطن تبحث عن الأحلام هم ومذلة وفقر صار الوطن اوهام ياحسرة شوفوا النذل طالع على الاعلام ...يهتف باسم الوطن ويشوه الاسلام بكفي ذبحتوا الوطن باسم هل اسلام ....يلي احترفتوا القتل والغدر والاجرام يلي نهبتوا الوطن والثورة والايتام فيلم الرسالة انتهى ليش اخترعتوا أفلام ويلي رميتوا الوطن في مقبرة أرقام اتفوا عليكم ياذنب يا ملحق الحكام ....اتفوا عليكم يا ذنب يا محلق الحكام الحقوق محفوظة لكاتبها : الشاعر حمزة عبد القادر عبد الرحيم البرغوثي facebook:الشاعر حمزة البرغوثي