* * * * انا فتاه عندى 27 عام والحمد لله بصلى وبحفظ قران وايمانى بربنا كبير بس مشكلتى من الصغر فقدت امى وانا ابلغ من العمر 3 سنوات فقدتها ولا ادرك شكلها ايه او حتى يعنى ايه معنى الام اتحرمت من احلى حاجه فى الدنيا مشكلتى ان من صغرى وانا ابحث عن الحب والنتيجه ان بنجرح واخرج من قصه حب لقصه حب تانيه وانجرح كنت بعد على النت اتعرف على اى حد واتكلم مع اى حد وادى رقمى لاى حد بس كنت بلاقيهم معظهم ناس مش كويسه وفيهم ناس كويسه حبيتهم واتعلقت بيهم بس دايما بغيرى خطى وبقفل الاميل علشان ابعد لان كنت بحس ان غلط وببعد عنهم فتره طويله وارجع تانى اكلمهم واضفهم وعملت كده كتير لحد ما وقفت مع نفسى وقفه وعهده نفسى ان لايمكن اعرف حد من على النت تانى وان انسى وفعلا عملت كده بس الفضول كان بيموتنى كنت برجع ادخل على الفيس بوك واشوفهم واوقات كنت ببعت رسايل ويرد عليه وارجع اقفل الاكونت لان بحس بعذاب مشكلتى ان بدور على الحب نفسى حد يطمن عليه يسمعنى انا عارفه ان لسه نصيب اللى ربنا كتبه ليه مجايش عارفه ومؤمنه بس انا مش تفكير فى ان اتجوز ولا متجوزيش انا كل تفكير ان حاسه ان فى حاجه نقصانى فى جوايا حاجه المنى فى جرح فى قلبى من كل الناس اللى عرفتها نفسى ابطل ابعت رسايل ليهم نفسى ابطل اشوف صفحتهم وصورهم نفسى ومشكلتى كمان ان فى واحد زميلى فى الكليه اتعلقت بيه وكان دايما بتكلم معايا وبيفضض معاها وكان بيعاملنى احسن معامله وطلب منى ان ارتبط بيه بس انا خفت لان انجرجت كتير وخفت اخسره اقولتله لا انت زى اخويا وكنت ببعد عنه وامسحه رقمه واقفل الاميل علشان معرفيش يوصلنى كنت بغيب فتره واطمن عليه واتصل بيه فى يوم وسألنى ان ارتبط ولا لأ اقولته لا وقاللى ان احتمال قريب اخطب اقولته مبروك وانا بضحك وبصوتى فرحان وبعت عنه فتره لمده سنه رجعت ادخل على الفيس بوك اطمن عليه لقيته بيقوللى انا بدور عليكى وانت فين ودخلت صفحته لقيته خطب وسافر فضلت فاتحه الفيس بوك كام يوم واقفلت الحساب رجعت تانى يوم عملت حساب وضفته تانى وكلمته وبعدين اقفلت تانى وفتحته وعملت حساب تالت مره ورجعت بعتله اضافه وطبعا يومين واقفلت الحساب ومش عارفه اعمل ايه بجد اتخنقت من نفسى وبجد مش عارفه اعمل ايه نفسى ابطل ابعت رسايل نفسى ابطل ادخل اشوف صفحته او صفحة اى حد اعرفه نفسى بجد انسى انا بجد محنوقه اوى من نفسى ابقى كويسه نفسى انا كل يوم بصللى قيام ليل وبدعى وبقرأ قران يوما وبروح احفظ قران والحمد لله مش بصاحب غير بنات محترمه وملتزمه بس غصب عنى مشكله بعانيه منها منذ طفولتى ان محتاجه للحب بيصعب عليه نفسى كل يوم قبل ما نام افضل اعيط للدرجه ان بمسك ايدديه واطبطب بيها على كتفى اقول لنفسى متزعليش ساعات بتمنى الموت بس بقول يارب وربنا موجود واستنى كل يوم اقول انام يمكن بكره الاقى حاجه تفرحنى حتى لو كان حلم بفرح بيه صديقتنا العزيزة .أشعر بمدى الألم والحزن الذي تشعرين به، فالأم هي مصدر الحب والحنان نستمد من حضنها الدفئ، نلقي فيه بهمومنا وأحزاننا، فليس من السهل على الإنسان أن يفتقد تلك المشاعر منذ الصغر، وإلا ظل يبحث عنها طوال حياته ، وربما يصطدم في تلك الرحلة بالكثير من الصخور، التي تجعل رحلة البحث شاقة وطريقها غير ممهد للسير .فعلينا يا صديقتي أن نعلم أن هذا قدر الله ونرضى بقضاءه ، ونحاول أن نتعايش مع الحياة كما ولدنا فيها، فتفكيرك الدائم أنك تفتقدين الحب والحنان هو ما يجعلك تتخبطين في مشاعرك ولا تحسني الاختيار .وأنتِ أخبرتيني أنكِ تحافظين على صلاتك وقراءة القرآن، وأن أقول لكِ أنك بحاجة ماسة للتقرب أكثر من الله والدعاء له بأن يملئ قلبك بحبه ويرزقك الحب الحقيقي الذي يقر به عينيك .وحاولي أن توجهي طاقتي في شيء إيجابي يعود عليك بالنفع، فلما لا تزوري دار أيتام وتقضي بعض من وقتك مع هؤلاء الأطفال تعطيهم الحب والاهتمام وتشعري أنت أيضًا معهم بالمشاعر الصادقة .فنحن نشاء والله يشاء، فإذا رضينا بما يشاء أعطانا ما نشاء فاعلمي أن الله يدخر لكِ الخير الوفير واحسني الظن بالله .والله أسأل أن يرزقك من يعوضك ويغمرك بالحب والحنان مواضيع متعلقة بص وطل
